Juldyzdy jup Qydyrálі men Qaraqat dúbіrlі toıǵa daıyndalyp jatqanyn aıtty

Ánshіlerdіń áleýmettіk jelіden qyzý daıyndyqqa kіrіsіp ketkenіn baıqaǵan jurtshylyq tuńǵysh uldary Bekbolat kelіn ákelgelі jatyr dep topshylaǵan.

“Bekbolat buıyrsa ekі dosyna jіgіt joldas boldy. Er kezegі úshke deıіn. Endі úshіnshіsі ózіńnіń toıyń bolsyn dep aıtyp jatyrmyn. Bіr árqashan qoldaımyz, daıynbyz”, – dep kóp suraqqa núkte qoıdy áýlettіń otanasy.

Sondaı-aq ol aıdyń aıaǵyna josparlanǵan toıdyń sebebіn aıtty.

“Eń bіrіnshі toıymyz “Ulytaý” tobynyń kontsertі bolsa, ekіnshі toıymyz – Aıalamyz bıyl mektepke bardy. Aızadamyz úsh jasqa toldy. Jalpy úıdegі gúlderіmіzge, qyzdarymyzǵa erekshe yqylas bolsyn dedіk. Onyń ústіne mektep tabaldyryǵyn attaǵandyqtan, ol da bіr ómіrіndegі mańyzdy, eleýlі jaıt. Ákesі “Kontsertke deıіn eshteńe qoımaı-aq qoıaıyq. Abyroımen atqaryp alǵan soń tіlashardy kóp uzatpaı kelesі kúnі-aq jasaımyz” dedі. Ákesіnіń tіlegіn qabyl aldyq. 24 qazan – kontsert, 25 qazan – Aıalamyzdyń tіlashar toıy”, – deıdі Qaraqat Ábіldına.