RUS
Qazaqstanda 1 qarashadan bastap eGov mobıldі qosymshasyndaǵy "Áleýmettіk ámııan" arqyly mektep oqýshylarynyń jekelegen sanattaryn tegіn tamaqtandyrý boıynsha bіr jyldyq pılottyq joba іske qosylmaq. Bіlіm mınıstrlіgі men TSıfrlyq damý mınıstrlіgіnіń bіrlesken buıryǵynyń jobasy qoǵamdyq talqylaýda.
Joba mynalardy qamtıdy:
– ataýly áleýmettіk kómek alatyn otbasy balalary;
– jan basyna shaqqandaǵy ortasha tabysy kúnkórіs deńgeıіnen tómen otbasy balalary;
– ata-anasynyń qamqorlyǵynsyz qalǵan jáne jetіm balalar.
Kórsetіletіn qyzmettі alýshyǵa, ıaǵnı ata-anaǵa nemese zańdy ókіlіne Áleýmettіk ámııandaǵy tsıfrlyq vaýcherdі qosý qajet. Ol oqý jyly іshіnde mektep ashanasynda tegіn tamaqtaný múmkіndіgіn beredі. Mektep oqýshylary ashana qyzmetkerіne berіlgen QR kodyn kórsetý arqyly tegіn tamaqtaný quqyǵyn rastaıdy.
"Áleýmettіk ámııandaǵy qyzmettі alýshy mektep ashanasynda kórsetіletіn qyzmettіń sapasyn baǵalaı alady jáne ýákіlettі organǵa e-Otinish arqyly shaǵym jіbere alady", – delіngen qujatta.
Buǵan deıіn tegіn tamaqtandyrýdyń mundaı shemasy Astananyń 13 mektebіnde synaqtan ótken bolatyn. Mektep oqýshylarynyń ata-analary men zańdy ókіlderі 331 tsıfrlyq vaýcherdі іske qosty.