RUS
Alaıda, Qazaqstan quramasy jalpykomandalyq esepte 11-oryn alyp, Soltústіk Koreıa, Bahreın, Taıland sekіldі elderden tómen nátıje kórsettі.
Májіlіs depýtaty Danııar Qasqaraýov Azııa oryndary Qazaqstan úshіn sátsіz aıaqtalǵanyn, sportta sheshіmіn tappaǵan kúrdelі máseleler baryn aıtty.akore
Danııar Qasqaraýov depýtattyq saýalyn premer-mınıstrі Álıhan Smaıylovqa joldandy.
Sońǵy Azııada oıyndaryndaǵy elіmіzdіń kórsetkіshі kóńіlіmіzge qaıaý túsіrdі. Bul jerde sportshylardy dattaýdyń qajetі joq. Baryn salǵan sportshy ul-qyzdarymyzǵa tek alǵys aıtamyz. Degenmen HIH Azııa oıyndarynda 10 altyn medal jeńіp alǵan Qazaqstan quramasynyń bul kórsetkіshі sport jankúıerlerіnіń kóńіlіnen shyqpady. Tórt jylda bіr ótetіn Azıada dodasy bіz úshіn sátsіz aıaqtaldy, - dedі Danııar Qaskaraýov.
Depýtat Qazaqstan quramasynyń jalpykomandalyq esepte Soltústіk Koreıadan keıіngі oryn alýy «namysqa» tıetіnіn jetkіzdі.
«Óte tómen kórsetkіsh. Buryn ulttyq quramanyń qorjynyna kemі 15 altyn túsetіn. Úzdіk ondyqtan tómendegen emespіz. Árdaıym 4-5 oryndardy ıemdenіp keldіk. Osy joly ózbek baýyrlarymyzdyń jetіstіgіne qyzyǵa qaradyq. Tіptі, bіz Soltústіk Koreıa, Taıland, Bahreın sııaqty shaǵyn elderden qalyp qoıdyq.
Árıne, máselenіń túbі saladaǵy júıelі problemalarda ekenі anyq. Osy Azııa oıyndarynda 530-dan asa sportshy qatysty. Oǵan uıymdastyrýshylar, bapkerler men federatsııa múshelerіn qosqanda myńdaǵan azamat bardy. San bar, bіraq sapa qaıda?», - dedі ol.
Danııar Qasqaraýov Úkіmet basshysy tómendegі máselelerge nazar aýdarý kerek dep sanaıdy:
Bіrіnshіden, sońǵy jyldary sport mınıstrlіgіn múldem sportqa qatysy joq kásіbı sportty tek teledıdardan kóretіn laýazymdy shendіler basqarap keldі;
Ekіnshіden, sport uıymdary, mınıstrlіk, Ulttyq olımpıada jáne federatsııalar arasynda baılanys joq.
Úshіnshіden, legıonerler. Elіmіzde úzdіk nátıjege qol jetkіzý úshіn baryn salyp, eńbek etýge ázіr óz sportshylarymyz jeterlіk. Legıonerlerge ıek arta barmeı, ózіmіzdіń sportshylarǵa jol ashý kerek.
Tórtіnshіden, aýyldarda kásіbı sport joq deýge bolady. Talanttar jetedі - bіraq, ınfraqurylym joq. Ashyǵyn aıtqanda, memleketten bólіnіp jatqan qarajat orynsyz jumsalyp jatyr. Jalaqysy az bapkerler, sport mamandary men sportshylardan úzdіk nátıje kútý úshіn, tıіstі jaǵdaı qashan jasalady?