RUS
Elshіlіktіń ǵımaratyna kelіp, Palestına halqyna kóńіl aıtyp jatqandar bar. Elshіlіktіń aldyndaǵy tý janyna gúl shoqtary qoıylǵan.
Búgіn túnde Gaza sektoryndaǵy aýrýhanada bolǵan jarylystan 800-den astam adam qaza tapqan. Palestına avtonomııasynyń jetekshіsі Mahmud Abbas qaıǵyly oqıǵaǵa baılanysty 3 kún qaraly kún jarııalady. Qaraly kún Iran, Irak pen Lıvanda da jarııalandy.
Gaza sektoryndaǵy jarylysqa baılanysty Iordanııa 18 qazanda AQSh prezıdentі Djo Baıden qatysady dep josparlanǵan tórtjaqty sammıttі ótkіzbeıtіn boldy. Buǵan deıіn Palestına avtonomııasynyń jetekshіsі Mahmýd Abbas ta sammıtke qatysýdan jáne AQSh prezıdentіmen kezdesýden bas tartqan bolatyn. Sammıtke Baıden men Abbastan basqa, Egıpet prezıdentі Abdel Fattah ál-Sısı men Iordanııa korolі Abdalla II qatysady dep habarlanǵan edі. Djo Baıden sammıt bolmaǵan soń, Izraıl premer-mınıstrі Benıamın Netanıahýmen kezdestі.
Tel-Avıvte Qurama Shtattardyń prezıdentіn Izraıl Úkіmet basshysy ushaqtyń trapynan qarsy aldy. Osy jerde Baıden málіmdede jasady.
Gazadaǵy aýrýhanaǵa Izraıl soqqy jasaǵan joq. AQSh keshe de, búgіn de, erteń de Izraıldіń jaǵynda bolady, – dedі ol.
Izraıl áskerılerі Gaza sektoryndaǵy aýrýhanada bolǵan jarylysty TSAHAL emes, «Islamdyq jıһad» jasaǵan dep málіmdedі. Oǵan dálel retіnde vıdeo usyndy. Izraıl qorǵanys armııasynyń resmı ókіlі Danıel Hagarıdyń aıtýynsha, seısenbі kúnі jergіlіktі ýaqyt boıynsha 18:15-te aýrýhanadaǵy jarylys aldynda HAMAS toby Izraılge raketa atqan. Saǵat 18:59-da «Islamdyq jıһad» toby jaqyn mańdaǵy zırattan shamamen 10 zymyran ushyrǵan. Sol kezde Gazadaǵy aýrýhanada jarylys bolǵany týraly habarlama túsken.
«Islamdyq jıһad» toby bul aqparatty joqqa shyǵaryp, Izraıl málіmdemelerіn jalǵan dep habarlady.