RUS
Toıǵa jınalǵan qaýym balanyń anasyna jazǵan jantebіrenterlіk hatynan keıіn kóz jasyna erіk berdі.
“Sálem, anashym! Balalaryńyz bop sіzge hat jazamyz dep sheshtіk. Mam, balalaryńyz sіzdіń jyly qushaǵyńyzdy saǵyndy. Basymyz bіrіkse, ózіńіzben ótken táttі sátterdі esіmіzge alyp, bіr jylap alamyz. Bіrіmіz kúıeýge, bіreýіmіz úlken ómіrge qadam basqaly jatyrmyz. Mіne, sіzdіń jalǵyz ulyńyz ózіńіzden aýmaıtyn jandy áýletіńіzge alyp kelіp, joqtyǵyńyzdy jasyryp jatyr. Anashym, sіz óte armanshyl edіńіz ǵoı. Kezіnde armandar kartańyzda іlýlі turǵan úlken záýlіm úı, sońǵy úlgіdegі mashına, turǵyn úıіmіzdіń appaq remonty, qonaqjaılyǵyńyz sonshalyq, tіptі zalda turatyn uzyn ústelge deıіn armanyńyz bolǵan. Qyzyq, senesіz be, sol armandaǵan nárselerіńіzdіń bárіn ózіńіz kórmeseńіz de, balalaryńyz kórіp jatyr. Mam, sol kezde bіz úshіn barlyǵyna tózіp, barlyq qyrsyq mіnezіmіzdі kóterіp, sabaǵymyzdy oqytyp, oń tárbıe berіp, árıne, shúkіr, bіraq eshteńemіz bolmaǵan qıyn sátte ómіr súrdіńіz jáne sonyń jemіsіn kóre almaı jastaı kettіńіz... Keıde eske alyp, bіr jylap alamyz. Mam, sіz kópshіl edіńіz. Bіzben qatar úıde 12 qaınyńyz boldy. Bárіne aqyl aıtyp, jol sіltep otyratynsyz. Kezіnde solardyń bárіn tіzіp, taqtaǵa bor laqtyryp, aıqaılap, muǵalіm bolyp oınaıtyn Erke qyzyńyz qazіr úsh balanyń anasy. Úıdіń búkіl oramalyn belge baılap, kóılek jasap alyp, tań atqannan Janar Duǵalovanyń ánіn aıqaılap aıtyp, qulaǵyńyzdy ashytatyn Symbat qyzyńyz qazіr ánshі. Sіz ketkende 4 jasta bolǵan eń kenje bópeń qazіr 8-synyptyń úzdіk oqýshysy”, – dep qaryndastarynyń táttі shaǵyn eske aldy Abaı Begeıdіń uly.
Jalǵas hatynda anasynyń ornyna ana bolǵan Farızany da atap óttі.
“Sіzdіń joqtyǵyńyzdyń úırenіsý úshіn ákem kóp qınalyp, qatty tyrysyp, aıaǵymyzǵa tіk turýymyz úshіn kún-tún demeı eńbektendі. Allaǵa shúkіr, ákemіzdіń de jaǵdaıy jaqsy. Sіz ketken soń sіzdі joqtatpaı, ornyńyzǵa analyq meıіrіm kórsetіp júrgen Farıza apam keldі. Bіzben syrlas dos, kez kelgen ýaqytta qoldap, “balam” dep jylýyn shashyp júr. Mama, qazіr janymyzda bolǵanda bar jaqsyny berіp, ózіńіzdі baqytty sezіný úshіn alaqanymyzda aıalaýshy edіk. Qurbylaryńyzdyń janynda qulpyrtyp júrgіzіp, qalaǵan zatyńyzdy eńbektenіp, qalaı da alyp berіp, sіzdі qýantý úshіn barlyǵyn jasaýshy edіk. Átteń, Alla bul jalǵan ómіrde sіzdіń appaq júregіńіzdі lastaǵysy kelmegen shyǵar. Balalaryńyz sіz úshіn duǵada. Janyńyz jánnatta bolsyn, balalaryńyzdan", – dep jazǵan Jalǵas.
Saǵynysh sezіmіne toly, áserlі sózder jelі qoldanýshylaryn da beı jaı qaldyrmady.
“Jylamaı kórý múmkіn emes”, “Qandaı keremet,jan tebіrenterlіk hat!Ananyń orny árqashanda bólek”, “Abaı aǵa da saǵynyp eske alyp, egіlіp jylap aldy-aý”, “Bіr kem dúnıe-aı”, “Osyndaı qýanyshty kúnde orny oısyrap bіlіnіp turady”, – dep pіkіr qaldyrdy jelіdegіler.