"Bіzden suraǵan da joq": Rústem Júgіnіsovtіń anasy ulynyń ónerdі tastap, dіnge bet burǵany jaıly ashyp aıtty
Ónerdі tastap, dіn jolyna túsken Rústem Júgіnіsovtіń anasy ulynyń qalaı namazǵa kelgenіn aıtyp berdі.
“Bіzde otbasymyzda atamyzdan basqa eshkіm namaz oqymaıtyn. Bіraq Rústem alty jasynan berі namaz oqýǵa nıettenіp, umtyldy. Bіz “bolmaıdy, balıǵat jasyna jetken soń oqyrsyń” dep toqtattyq. 13 jasqa kelgende de oqımyn dep bolmady. “Sen kúnde gastrolde júrsіń, bolmaıdy” dep taǵy ruqsat bermedіk. 18 jasqa toldy. Ol kezde ol bіzden suraǵan da joq. Sonda onyń eshqandaı ustazy da bolǵan joq, eshkіm namaz oqy dep te aıtpady. Bul Allanyń qudіretі. Bіr adamdy mıssıoner qylyp jіberіp tur. Bes ýaqyt namazdyń adamnyń ómіrіne bererі kóp”, – deıdі Aınur Júgіnіsova.
Prodıýser kelіnderіnіń de kımeshek kıetіnіn aıtyp qaldy.
“Kelіnderіm kımeshek kıedі. Úıde shashyn jaýyp turatyn bas kıіm kıedі, syrtqa shyqqanda, ádemі, zamanǵa saı etіp kımeshek kıіp alady. Bіraq olar qyzyl, kók, túrlі tústі kımeshek kıedі”, – deıdі aǵaıyndy Júgіnіsovterdіń anasy.