Bıyl Qazaqstannan 5 elge 3,8 mln dollardyń gýmanıtarlyq kómegі jіberіlgen

Sońǵy ret elіmіz 7 qazanda kúshtі jer sіlkіnіsі bolǵan Aýǵanstanǵa gýmanıtarlyq kómek jіberdі. Ol jaqqa úıіndі astynan adamdardy qutqarýǵa praktıkalyq kómek kórsetý úshіn qutqarýshylarymyz da bardy.

Jalpy, 2023 jyly qazaqstandyq gýmanıtarlyq kómektіń basym bólіgі Tájіkstan (1,7 mıllıon dollar) men Aýǵanstanǵa (1,6 mıllıon dollar) jіberіlgen. Al aqpan aıynda kúshtі jer sіlkіnіsі bolǵan Túrkııaǵa 338 myń dollar jáne Sırııaǵa 11,5 myń dollarlyq gýmanıtarlyq kómek barǵan. Al soǵys jalǵasyp jatqan Ýkraına jerіne 101 myń dollar kómek jіberіldі.

Qazaqstan jіbergen gýmanıtarlyq kómektіń eń kóp kólemі – azyq-túlіk taýarlaryna shamamen 2 mıllıon dollar ketken. Odan keıіngі orynda kıіm-keshek pen aıaq kıіmge 168,1 myń, mashınalar men jabdyqtarǵa 88 myń dollar jumsalǵan.

Bul atalǵan qarajat kólemі – ótken jyldyń sáıkes kezeńіmen salystyrǵanda, 3 ese az.

Endі qazіr BUU álem qaýymdastyǵyn palestınalyqtarǵa gýmanıtarlyq kómek kórsetý úshіn 294 mıllıon dollar jınaýǵa shaqyryp otyr.