RUS
Is-sharany QR Aýyl sharýashylyǵy mınıstrі Aıdarbek Saparov ashty. Onyń aıtýynsha, bul kórmeler aýyl sharýashylyǵy salasyndaǵy ınnovatsııalyq tehnologııalardy usynatyn alań bolyp tabylady.
"Mundaı kórmeler qazaqstandyq fermerler úshіn senіmdі ónіm berýshіler men serіktester tabýǵa, jańa agrotehnologııalarmen tanysyp, olardy óndіrіske engіzýge múmkіndіk beredі. Qazaqstan agrarlyq derjava retіnde ózіmіzdі ǵana emes, Orta Azııa óńіrіn de azyq-túlіkpen qamtamasyz etedі. Osyǵan baılanysty mundaı kórmeler ınvestorlar úshіn jaqsy alań bolyp tabylady", – dep atap óttі Aıdarbek Saparov.
Aıta ketý kerek, kórmenіń saltanatty ashylýyna Chehııanyń Tótenshe jáne Ókіlettі Elshіsі Pavol Shepelıak myrza, Germanııanyń aýyl sharýashylyǵy qaýymdastyǵynyń basshysy jáne Vıtse-prezıdentі Rene Debelt myrza jáne Germanııanyń QR-daǵy elshіsіnіń turaqty orynbasary Klaýs Zıllıkens myrza, sondaı-aq "Rostselmash" kompanııasy bas dırektorynyń orynbasary" Alekseı Shveıtsov syndy shetelden kelgen qurmettі qonaqtar qatysty.
Kórmelerdіń uıymdastyrýshysy Sholpan Qojabaeva qatysýshylar men qonaqtarǵa quttyqtaý sózіn sóıledі:
"Búgіn Qazaqstannyń aýyl sharýashylyǵy salasynda úlken mereke. Ortalyq Azııadaǵy "KazAgro/KazFarm-2023" aýyl sharýashylyǵynyń eń aýqymdy 14-kórmesі ashyldy. Búgіngі kórmelerge álemnіń 27 elіnen kelgen 300-ge jýyq kompanııa qatysýda. Munda árkіm óz bıznesіnіń órkendeýіne sheshіm taba alady".
Esterіńіzge sala keteıіk, kórmelerde aýyl sharýashylyǵy tehnıkasy men jabdyqtarynyń, tyńaıtqyshtardyń, ósіmdіkterdі qorǵaý quraldarynyń, qus jáne mal sharýashylyǵyna arnalǵan tehnologııalardyń, mal azyǵynyń, veterınarııalyq preparattardyń keń aýqymy usynylǵan.
Sondaı-aq jetekshі mamandardyń semınarlary men prezentatsııalary ótedі. Jyl saıyn іs-sharaǵa 20 000-nan astam adam qatysady.
19-21 qazan aralyǵynda ótetіn aýylsharýashylyq kórmelerіne kіrý tegіn. Ótetіn orny: Astana qalasy, Máńgіlіk el kóshesі, 53/1 ("EXPO" HKO).