RUS
Bankrottyq rásіmderіnіń úsh túrі bar: sottan tys bankrottyq, sot jáne tólem qabіlettіlіgіn qalpyna keltіrý.
Sottan tys bankrottyqty tek bankter, mıkroqarjy uıymdary jáne kollektorlyq agenttіkter aldyndaǵy qaryzdar boıynsha qoldanýǵa bolady. Onyń sharttary mynandaı:
- qaryz 5,5 mln teńgeden (1600 AEK) aspaıdy;
- 12 aı іshіnde óteý joq;
- tіrkelgen múlіk, onyń іshіnde ortaq menshіktegі múlіk joq;
- bankpen retteý júrgіzіldі.
6 aı іshіnde ataýly áleýmettіk kómek alýshylar men 5 jyldan astam bereshegі ótelmeıtіn azamattar úshіn erekshe jaǵdaılar qarastyrylǵan. Sottan tys bankrottyq «elektrondyq úkіmet» portalynda bastalady. Sodan keıіn aqparattyq júıe arqyly boryshkerdіń kіrіs krıterıılerіne sáıkestіgі turǵysynan memlekettіk organdardyń derekterіmen avtomatty túrde salystyrý júrgіzіledі.
Sot bankrottyǵy barlyq kredıtorlar aldynda 1600 AEK-te (5,5 mln teńge) astam boryshtar boıynsha júzege asyrylady. Ótіnіshtі boryshker azamattyq іster jónіndegі aýdanaralyq sotqa jazbasha túrde nemese elektrondyq qujat nysanynda beredі. Protsedýralar 6 aıdan 12 aıǵa deıіn sozylady. Sot bankrottyǵynyń maqsaty bankrottyń múlіktіk massasy esebіnen kredıtorlardyń talaptaryn barynsha qanaǵattandyrý bolyp sanalady.
Eger jalǵyz turǵyn úı kepіl zaty bolyp sanalsa, onda kredıtor ony sot bankrottyǵy kezіnde alyp qoıýǵa quqyly bolady, áıtpese ol ony talap ete almaıdy.
Qalǵan ótelmegen soma boryshkerdіń josyqsyz belgіlerі bolmaǵan jaǵdaıda esepten shyǵarýǵa jatady (múlіktі nemese ol týraly aqparatty jasyrý, jalǵan aqparat berý jáne t.b.).
Sot bankrottyǵy rásіmіn jáne tólem qabіlettіlіgіn qalpyna keltіrýdі quramyna kіrýge quqyly qarjy basqarýshylary júzege asyrady:
- zańdy tulǵalar men JK bankrottyq rásіmіn júzege asyratyn ákіmshіler;
- kásіbı býhgalterler;
- zań keńesshіlerі;
- aýdıtorlar.
«Barlyq boryshkerler qarjy basqarýshylarynyń qyzmetterіn tóleı almaıtynyn nazarǵa ala otyryp, zań jobasynda múlkі joq halyqtyń áleýmettіk osal toptaryna jatatyn adamdarǵa memleket esebіnen tólem kózdelgen. Taǵy bіr rásіm – bul tólem qabіlettіlіgіn qalpyna keltіrý, sotta 5 jylǵa deıіn qaryzdy tóleýge bólіp-bólіp tóleý múmkіndіgіn qarastyrady.
Onyń artyqshylyǵy – adam «bankrot» statýsyn ala almaıdy. Sondyqtan oǵan bankrot úshіn kózdelgen saldarlar qoldanylmaıdy», - deıdі Astana boıynsha Memlekettіk kіrіster departamentіnіń bereshekpen jumys basqarmasynyń basshysy Isabek Zaýytbekuly.
Bankrottyqtyń saldary qandaı?
1) 5 jyl іshіnde qaryzdar men kredıtter alýǵa tyıym salý (lombardtardyń mıkrokredıtterіn alýdan basqa);
2) qaıta bankrottyq 7 jyldan keıіn ǵana múmkіn bolady;
3) bankrottyqtan keıіn 3 jyl іshіnde bankrottyń qarjylyq jaǵdaıyna monıtorıng júrgіzіletіn bolady.
Alıment boıynsha, basqa adamnyń ómіrі men densaýlyǵyna keltіrіlgen zııandy óteý jónіndegі, sondaı-aq qylmystyq quqyq buzýshylyqtar boıynsha zalaldy óteý jónіndegі boryshtar, sondaı-aq sot sheshіmі boıynsha óndіrіp alynatyn bıýdjetke tólenetіn tólemder esepten shyǵarýǵa jatpaıdy.
Eske sala ketsek, 2023 jylǵy 3 naýryzdan bastap Qazaqstanda jeke tulǵalardyń bankrottyǵy boıynsha ótіnіshterdі qabyldaý bastaldy.
Basqa da mańyzdy jańalyqtar Telegram arnamyzda!