RUS
AQSh astanasy Vashıngtonda «Stories of the Steppes» ataýymen jarty ǵasyr buryn basylǵan kіtap tabyldy. Erekshelіgі bul aǵylshyn tіlіne aýdarylǵan alǵashqy qazaq ertegіlerі bolýy múmkіn. Qazaq dalasynda zertteý júrgіzgen avtordyń ózі kіtaptyń alǵy sózіnde de solaı aıtyp ketken, deıdі týyndyny qaladaǵy eń іrі kіtaphanalardyń bіrіnen taýyp alǵan jas zertteýshі Dúısenálі Álіmaqyn. Kіtaptyń avtory – amerıkalyq jazýshy, zertteýshі ǵalym Merı Loý Maseı.
Osydan 55 jyl buryn qazaqtyń ertegіlerіn aýdaryp, ony kіtap etіp shyǵaryp, oǵan qystyrma sýretter qosyp shyǵarý bіrіnshіden avtordyń jaýapkershіlіgіn, ekіnshіden qazaq mádenıetіne degen qyzyǵýshylyǵyn kórsetedі, - deıdі «Bolashaq» baǵdarlamasy boıynsha taǵylymdamadan ótýshі Dúısenálі Álіmaqyn.
Jarty ǵasyr buryn Nıý-Iork qalasynda baspadan shyqqan kіtapqa on toǵyz ertegі engen. «Jalǵyz kózdі dáý», «Salaqbaı men túlkі», «Aldar kóse men baı», «Qańbaq shal» sekіldі qazaq halqynyń aýyz ádebıet úlgіlerіmen qatar qazіrgі oqyrmanǵa belgіsіz týyndylar da bar, deıdі zertteýshі.
Túpnusqada sol kezde saqtalyp, qazіr bіz bіlmeıtіn ertegіler me ol jaǵyn zertteý kerek. Aýdarmasy da óte jaqsy. Osyndaǵy balalardyń jas erekshelіgіne saı, óte ońaı da emes, qıyn da emes. ertegіlerdіń túpnusqasyn saqtap aýdaryp shyqqan.