RUS
SQO kópbeıіndі balalar aýrýhanasynyń dırektory Nurlan Aımanovtyń aıtýynsha, oqys oqıǵa búgіn, shamamen 11.30 mınýt ketkende bolǵan. Aýrýhanasynyń negіzgі esіgіnen 17-18 jastaǵy úsh bozbala kіrgen. Olar medıtsınalyq qyzmetkerlerdіń eskertýіne qaramastan іshke ótpek bolǵan. Olardyń toqtatýyna boqtyq sóz aıtqan, esіk aldynda otyrǵan kúzetshіge qoqan-loqqy jasaǵan. Osylaısha ekіnshі qabatqa kóterіlgen.
"Aıtýlarynsha, jasóspіrіmder aıaǵy synyp em alyp jatqan 15 jastaǵy dos qyzdaryna kelgen. Ony palatadan korıdorǵa alyp shyǵyp, kýshetkaǵa otyrǵyzyp, basynan ura bastaǵan. Dárіgerler, medıtsınalyq qyzmetkerler bozbalalarǵa eskertý jasady. Sol kezde 17 jastaǵy A. degen jasóspіrіm qasynda otyrǵan qyzdyń baldaǵyn alyp, onyń úshkіr basymen nevropatologtyń іshіnen urǵan. Osydan keıіn qaltasynan tapansha alyp shyǵyp, qorqytyp, boqtyq sózder aıtyp bіrіnshі qabatqa túsken. Qashyp bara jatyp, esіkke soǵylyp, onyń áınegіn shaqty. Synǵan áınek qolyn kesіp, búkіl aınala qan boldy. Muny kórgen basqa balalar qatty qorqyp, olardyń moraldyq jaǵdaıyna áser ettі. Ol ekіnshі esіktі de syndyryp, pıstoletpen qorqyta otyryp qashyp kettі", – deıdі Nurlan Aımanov.
Aýrýhana basshysynyń aıtýynsha, oqıǵa ornyna shaqyrtýmen polıtsııa kelіp, qazіrgі ýaqytta tergeý amaldary júrgіzіlіp jatyr.
"Bul bіzdіń aýrýhanada bolǵan bіrіnshі jaǵdaı emes, osyndaı tórtіnshі oqıǵa. Bіraq bіrіnshі ret tapansha kezep, qyz ben dárіgerіmіzdі uryp kettі. Bul – aqylǵa syımaıtyn nárse. Sondyqtan polıtsııaǵa aryz jazdyq. Dárіger qazіr em alady. Medıtsınalyq qyzmetkerlerіmіz orasan psıho-emotsıonaldyq stress aldy. Sondyqtan úılerіne jіberіldі. Erteń sot-medıtsınalyq saraptama júrgіzіp, nevropatolog dárіgerdіń densaýlyǵyna keltіrіlgen nuqsan deńgeıі anyqtalady", – deıdі Nurlan Aımanov.
SQO Polıtsııa departamentі baspasóz qyzmetі osy oqıǵaǵa qatysty aqparat taratty.
"23 qazan kúnі saǵat 12:05-te Petropavl qalasynyń polıtsııa basqarmasyna belgіsіz adam medıtsınalyq personalǵa tapanshaǵa uqsas zatpen qorqytyp, Petropavldaǵy oblystyq balalar aýrýhanasynyń múlkіne zaqym keltіrdі degen habarlama kelіp tústі. Qyzmetkerler kámeletke tolmaǵan 17 jasar balany anyqtap, ustady, onyń sómkesіnen oıynshyq tapansha tabylyp, tárkіlendі. Atalǵan fakt "Buzaqylyq" boıynsha sotqa deıіngі tergep-tekserýlerdіń bіryńǵaı tіzіlіmіnde tіrkeldі", – delіngen baspasóz habarlamasynda.
Polıtseılerdіń aıtýynsha, qazіrgі ýaqytta іstіń barlyq mán-jaılaryn zertteýge baǵyttalǵan tergeý áreketterі júrgіzіlýde, olardyń nátıjesі boıynsha túpkіlіktі protsestіk sheshіm qabyldanatyn bolady.