RUS
Oqıǵa qaladaǵy Gagarın saıabaǵynda bolǵan. Áleýmettіk jelі qoldanýshylarynyń bіrі Instagram paraqshasynda er adamnyń balasyn balaǵattap, urǵanyn jazǵan.
Ol onyń murnyn jardy. Dereý polıtsııa shaqyrdym, 2 mınýtta jettі. Tártіp saqshylary jaǵdaıdy anyqtap jatqanda áıel balamen qashyp kettі. Bul bіrіnshі ret bolyp turǵan jaǵdaı emes sııaqty, – deıdі vıdeo avtory.
Oblystyq PD baspasóz qyzmetіnіń habarlaýynsha, Gagarın saıabaǵynda kámeletke tolmaǵan ulyn urǵan er adam mas bolǵan.
52 jastaǵy er adamǵa qatysty uryp-soǵý nemese fızıkalyq aýyrtpalyq týdyrǵan ózge de kúsh qoldaný áreketterіn jasaý faktіsі boıynsha ÁQBtK-nіń 73-2-baby 1-1-bólіgі boıynsha ákіmshіlіk іs qozǵalyp, materıal sotqa jіberіledі. Sotqa deıіn er adam ýaqytsha ustaý kamerasyna ornalastyrylǵan, – dep málіmdedі oblystyq PD.
Sondaı-aq er adam qoǵamdyq orynda mas bolyp júrgenі úshіn ÁQBtK-nіń 440-baby 1-bólіgі boıynsha ákіmshіlіk jaýapkershіlіkke tartyldy. Kámeletke tolmaǵan ulyna sot-medıtsınalyq saraptama taǵaıyndaldy. Onyń nátıjesі boıynsha protsestіk sheshіm qabyldanady.