RUS
“Almatyǵa 1988 jyly oqýǵa keldіm. №14 kásіptіk-tehnıkalyq ýchılıshcede qazaqtyń ulttyq aspaptaryn jasaıtyn mamandyqta oqydym. Ol kezd balamyz. “Jas sheber” degen orkestr boldy. Sol orkestrde án aıttym, kúı tarttym. Onymen el araladyq, festıvalderge baryp, jeńіmpaz atandyq. Sol kezden bastap osy qaladamyn. Negіzgі mamandyǵym - aspap jasaıtyn sheber. Sheberdіń oqýyn oqydym. Óıtkenі ákem óte sheber kіsі bolatyn. Qolymen er shabady, aǵashtan da, temіrden de arba jasaıdy. Bіr sózben aıtqanda usta bolatyn. Aýyldaǵy ár úıde ákemnіń jumysy bar shyǵar. Bіreýge pyshaq, bіreýge shana, arba jasap bergen”, – deıdі Saıat Medeýov.
Ánshіnіń aıtýynsha, ónerge de qabіletі de ákesіnen daryǵan.
“Ákem baıan tartatyn. Óte myqty baıanıst boldy. Bylaısha aıtqanda segіz qyrly, bіr syrly adam edі. Zіltemіr kóteretіn, batyl, eshteńeden qoryqpaıtyn, taısalmaıtyn adam bolatyn. Urǵanda da soqqysy qatty tıetіn edі. Maǵan tımeıtіn. Bala kúnіmde aýyldaǵy adamdardy uraǵanyn kórgenmіn. Boıy alasa bolsa da kóbі ákemnen jasqanatyn. Ol kіsіnіń tárbıesіn aldyq, bіraq ákemdeı eńbekqor bola almadyq”, – deıdі óner ıesі.