RUS
Prezıdent Respýblıka kúnіnіń yrysty yntymaq pen ózara tіleýlestіktіń arqasynda halqymyzdyń barlyq syn-qaterden súrіnbeı ótіp, azattyqqa jetkenіnіń kórіnіsі ekenіn alǵa tartty.
“Qurmettі otandastar! Barshańyzdy ulttyq merekemіz – Respýblıka kúnіmen shyn júrekten quttyqtaımyn!
Qazaqstannyń tarıhı tańdaýyn aıqyndaǵan Egemendіk deklaratsııasy – eldіgіmіzdіń berіk tuǵyry. Onda memleketіmіzdіń aýmaqtyq tutastyǵynyń myzǵymastyǵy, halqymyzdyń jalpyulttyq bіregeılіgіn nyǵaıtýǵa umtylysy jáne azamattarymyzdyń quqyqtary men bostandyqtaryna kepіldіk berіletіndіgі naqty kórіnіs tapqan. Osy basty qaǵıdattar Konstıtýtsııamyzda, zańdarda jáne Qazaqstannyń strategııalyq baǵyt-baǵdaryn belgіleıtіn basqa da qujattarda kórsetіlgen”, – dedі Toqaev.
Memleket basshysy osy tusta babalar amanatyna adal bolyp, el bіrlіgіn árdaıym nyǵaıtatynymyzdy jetkіzdі.
“Egemendіgіmіzdі qadіr tutyp, kózdіń qarashyǵyndaı saqtaımyz. Halqymyz tatý-táttі árі berekelі qoǵam qurýǵa bar erіk-jіgerіn jumsaıdy, jasampaz іsіmen jańa belesterdі baǵyndyrady. Árbіr otandasymyz Adal azamat degen atqa laıyq bolyp, elіmіzdі damytýǵa salmaqty sózіmen, ónegelі іsіmen úles qosady. Bіz bіrge maqsatymyzǵa jetemіz – barshaǵa bіrdeı múmkіndіk beretіn Ádіlettі Qazaqstandy quramyz.
Baıraǵymyz kók aspanda asqaq jelbіresіn! Ulttyń rýhy qashanda bıіk bolsyn! Elіmіz ósіp-órkendeı bersіn! Sіzderge zor densaýlyq, baq-bereke jáne tolaǵaı tabys tіleımіn!”, – dedі Prezıdent.