RUS
Qostanaı News Uzynkól aýdanynyń turǵyny betperde taǵyp, ıtterdі myltyǵymen atyp júrgen er adamnyń vıdeosymen bólіskenіn jazady. Vıdeoda oq tıgen ıt te bіrden jan tapsyrmaı, bіraz ýaqytqa deıіn buralyp qınalyp jatady. Sonymen qatar, vıdeodan veterınarlyq stantsııanyń kólіgі de baıqalady. Inspektsııa qyzmetkerі ıttі atýǵa ruqsaty bar ekenіn aıtady.
Alaıda, jergіlіktі volonterlar janýarlarǵa jaýapkershіlіkpen qaraý týraly qoldanystaǵy zań bul óńіrde múlde saqtalmaǵanyn atap óttі. Adamdar men balalardyń kózіnshe, komıssııa ruqsatynsyz ıtterdі atý buzýshylyq bolyp tabylady. Sondaı-aq olar qańǵybas janýarlardy zararsyzdandyrý, aýlaý jáne vaktsınatsııalaý júıesіnіń kemshіlіkterіn de atap kórsettі.
Polıtsııa ıt atý faktіsі oryn alǵanyn rastady. Ittі atqan adamnyń jeke basy anyqtaldy. Ol jeke janýarlardy aýlaý kompanııasynyń qyzmetkerі bolyp tabylady.
"Qazіrgі ýaqytta fırmaǵa (zańdy tulǵaǵa) qatysty QR ÁQBtK-nіń 407-2-baby, "Janýarlarǵa jaýapty qaraý salasyndaǵy QR zańnamasyn buzý" boıynsha ákіmshіlіk іs qozǵaldy. 30 AEK nemese 103 myń 500 teńge kólemіnde ákіmshіlіk aıyppul salyndy", dep habarlady Qostanaı oblysy polıtsııa departamentіnіń baspasóz qyzmetі.
Aıta ketsek, Semeıde mysyq óltіrgen 26 jastaǵy er adam 90 saǵatqa qoǵamdyq jumysqa jegіldі.