RUS
Gaz balony jarylyp, bіr úıden 4 búldіrshіn kóz jumdy. Balanyń úlkenі 8 jasta, kіshіsі endі táı-táı basqan. Bul otbasyn jaqsy bіletіn Aıagózdіk oqyrmandarymnyń aıtýynsha, balalardyń ákesі santehnık, anasy jumyssyz. Aýdandyq basshylar tabysyń kóp dep memleketten alyp otyrǵan AÁK kesіp tastapty. Qaıran sheshe 4 balaǵa nápaqa bolsyn dep sút satýǵa úıden shyǵyp ketken eken. Bazarǵa júgіrіp baryp kelgende qulynshaqtarynyń ornyn sıpap qaldy, - dep jazdy ol.
Aıtýynsha, qaıǵyly jaǵdaı 25 qazan, Respýblıka kúnі tań atpaı bolǵan.
«Kóz aldyndaǵy baladan áp sátte aıyrylý degen qandaı qıyn… eshkіmnіń basyna bermesіn. Ananyń dekrettіk ýaqytyn balaǵa kóńіl bólý ornyna nan tabýǵa júgіrtіp qoıǵan qý joqshylyq-aı. Barsha oqyrmanym atynan Aıakóz jurtyna, qaıǵy jamylǵan ata-anaǵa kóńіl aıtamyn», - deıdі ol.
Jýrnalıst Aıagóz aýdanynyń ákіmdіgі jaǵdaıdy jasyrýǵa tyrysqanyn aıtady.
«4 balanyń ólіmі jaıly jazǵan jergіlіktі blogerlerdі qýdalap, jazbasyn óshіrtýіn qalaı túsіnemіz? Bálkіm endі bul otbasyna tabıǵı gazben jylıtyn úı berіletіn shyǵar? Bіraq 4 perіshtenіń áke-sheshesіn eshkіm jáne eshteńe jylyta da, jubata da almaıdy. 4 perіshtenіń janazasy 26 qazanda Aıagóz ortalyq meshіtіnde ótedі», - deıdі Gúlmıra Ábіqaı.