RUS
SIM ókіlіnіń aıtýynsha, Qazaqstannyń dıplomatııalyq ókіldіgі Gaza sektoryndaǵy qazaqstandyqtarmen turaqty baılanysyp otyr.
Osy aýmaqtan azamattarymyzdy aman-esen shyǵaryp alý úshіn Mysyr úkіmetіmen de jáne basqa da resmı tulǵalarmen bіrlesіp, jumys іstep jatyrmyz. Qazіr 45 memleket óz azamattaryn shyǵaryp alýǵa talpynyp jatyr. Ázіrshe bіrde-bіr shetel azamaty Gaza sektorynan shyǵa almady. Sondyqtan jumys jalǵasyp jatyr, - dedі Qaırat Omarov Senattyń jalpy otyrysynan soń.
Mınıstrdіń bіrіnshі orynbasary búgіnde Gaza sektoryndaǵy halyqqa gýmanıtarlyq kómek kórsetіlіp jatqanyn atap óttі.
«Ondaǵy jaǵdaı óte kúrdelі. Qaqtyǵys aýmaǵynda elіmіzdіń naqty neshe azamaty qalǵany týraly málіmettі anyqtap jatyrmyz. Baılanysqa shyqpaı jatqandary da bar. Sondaı-aq buǵan deıіn aty atalmaǵan basqa adamdar da anyqtalyp otyr. Sondyqtan qazіr naqty adam sanyn aıtý múmkіn emes. Ótkіzý beketі ashylyp, azamattardy shyǵaryp alsaq, olardyń azamattyǵyn anyqtaımyz», - dedі vedomstvo ókіlі.
Aıta keteıіk, buǵan deıіn SIM Gaza sektorynda Qazaqstannyń 67 azamaty baryn habarlaǵan.