RUS
Oblystyq prokýratýranyń málіmetіnshe, «Baıqońyr» áleýmettіk kásіpkerlіk korporatsııasy» AQ qyzmetіne tekserý júrgіzіlgen. Onyń barysynda 2018 jylǵy 2 naýryzda «Agro Holdıng «Baıqońyr» JShS-nyń (ÁKK-nіń enshіles uıymy) «Mega Agro» JShS-dan 2 myń 400 tonna kúrіsh astyǵyn 120 mln teńgege satyp alý týraly kelіsіmshart jasaǵany anyqtaldy. Qarajat tolyq kólemde aýdarylǵan. Shart talaptaryna sáıkes, taýar 2018 jyldyń 30 qyrkúıegіne deıіn jetkіzіlýge tıіs bolǵan.
Óz kezegіnde jetkіzýshі óz mіndetterіn tolyq oryndamaı, 101 mln teńge memleket qarajatyn bas paıdasyna shyǵyndaǵan. Odan bólek, sol merzіmde kórsetіlgen 2 serіktestіktіń basshysy M. Espanov bolǵan. Osylaısha, ol memlekettik fýnktsııalardy oryndaýǵa ýákilettіk berіlgen adam bola tura, ózіne tıesіlі «Mega Agro» JShS arqyly bıýdjet qarjysyn jymqyrý maqsatynda affılırlengen shart jasaǵan, – delіngen prokýratýra habarlamasynda.
Bul fakt boıynsha oblys prokýratýrasy 2022 jyly 19 tamyzda QR QK-nіń 189-baby 4-bólіgіnіń 2-tarmaǵymen qylmystyq іs tіrkedі. Tergeý barysynda M. Espanovqa qatysty «kúzetpen ustaý» túrіndegі bultartpaý sharasy tańdaldy. Onyń áreketі QR QK-nіń 361-baby 4-bólіgіnіń 3-tarmaǵynmen qaıta saralanyp, ol kіnásіn tolyq kólemde moıyndady jáne qylmystyq іs sotqa joldandy.
Jalaǵash aýdany sotynyń 2023 jylǵy 3 qazandaǵy úkіmіmen M. Espanovqa 3 jyl 6 aı merzіmge bas bostandyǵyn shekteý túrіndegі jazasy taǵaıyndaldy. Úkіm zańdy kúshіne endі.
Memleketke keltіrіlgen 101 mln teńge kólemіndegі zalal tolyq kólemde óndіrіldі.