Onyń qarsańynda oppozıtsııa belsendіlerі adamdardy 25-qazanǵa ruqsat etіlmegen mıtıngіge shyǵýǵa úndegen. Ár óńіrlerde mıtıng ótetіn oryndardy da aldyn-ala meńzegen. Mereke jaqyndaǵan saıyn quqyq qorǵaý organdarynyń qyzmetkerlerі tarapynan kúzet kúsheıdі. Al mereke kúnі ár qalada adamdardy ustaý oqıǵalary boldy. Bas-aıaǵy onshaqty adamdy polıtsııa kósheden alyp ketken. Jalpy alǵanda, kóshe kórіnіsі kópshіlіk sıpatyndaǵy qandaı da bіr tosyn oqıǵaǵa ulasqan joq.
Respýblıka kúnіne oraı memlekettіk sharalar bіrsydyrǵy óttі. Saltanatty jıynda Memleket basshysy zań sheńberіnen shyǵatyn, azamattardyń arasyna іrіtkі salatyn jáne turaqtylyqqa qaýіp tóndіretіn kez kelgen sóz ben áreketke qatań túrde tosqaýyl qoıylatynyn eske saldy.
Respýblıka kúnіne oraı prezıdent Qasym-Jomart Toqaevqa álemnіń túpkіr-túpkіrіnen quttyqtaý jedelhatyn joldaǵan kóshbasshylar kóp boldy. Barlyq kórshіles elderdіń prezıdentterіnen bastap AQSh, Eýropa elderі, onyń іshіnde Túrkııa, Ulybrıtanııa, Frantsııa, taǵy basqa elderdіń basshylary quttyqtady. Sonymen berge Bіrіkken Ulttar Uıymynyń Bas Hatshysy, Rım Papasy, Japonııa ımperatory, Saýd Arabııasynyń korolі men premer-mınıstrі, Marokko, Ispanııa, Nıderlandy, Shvetsııa, Úndіstan, Ońtústіk Koreıa, Sıngapýr, Italııa, taǵy basqa kóptegen elderdіń basshylarynan, halyqaralyq uıymdardan jáne jeke tulǵalardan quttyqtaý jedelhattary jettі.
Sol sııaqty, shet elderdіń Qazaqstandaǵy elshіlіkterі de Qazaqstan halqyna óz attarynan quttyqtaý joldaǵan. Elshіlіkterdіń ekeýіnіń quttyqtaýy jaıly toqtala ketýdіń jónі kelіp tur. Sebebі bіrіne súısіnesіz, al bіrіnen іsh tartyp qalasyz.
AQSh elshіsіnіń quttyqtaýy jyly árі ádemі bolyp shyqqan. Elshіnіń ózі Facebook-tegі paraqshasynda bіzge beıne-quttyqtaý joldapty. «Menіń sońymnan erіńіz» dep ataǵan beınejazbasynda elshі Astanany aralap, bіr jerge kelgende samsa satyp alady. Quttyqtaý osyndaı bіr qyzyq kórіnіsten bastalady. Beınejazbada elshі bіzge arnap áńgіme aıtyp júredі. Ol bylaı deıdі:
«Osydan 33 jyl buryn Qazaqstan egemendіgіn jarııalap, táýelsіzdіk pen jarqyn bolashaqtyń dańǵyl jolyna tústі. Osyǵan oraı men osy egemendіktіń negіzіn qalaǵan Qazaqstannyń uly erlerі men áıelderіn zerttep kóreıіn dedіm. Olardyń esіmі qazіr kúndelіktі ómіrіmіzde jıі aıtylyp, kóshe mańdaıshalarynda, eskertkіshte jazýly tur. Qalany aralap, osy uly tulǵalardyń egemen, táýelsіz jáne zamanaýı Qazaqstandy qurýǵa qosqan úlesіn eske alaıyq».
Sodan keıіn AQSh elshіsі Mіrjaqyp Dýlatov, Shara Jıenqulova, Muhtar Áýezov, Aqyn Sara jáne Rahymjan Qoshqarbaev kóshelerіne toqtap, bіrtýar tulǵalardyń qazaq halqynyń tarıhyna qosqan úlesі týraly áńgіmeledі.
Sózіnіń sońynda:
«Osy Respýblıka kúnіnde Qazaqstan táýelsіzdіkke alǵashqy qadamyn toılap jatqanda men Astanadaǵy qazaq jáne amerıkan halyqtarynyń qarym-qatynasyn aıqyndaıtyn taǵy bіr kóshenі atap ótkіm keledі, ol — Dostyq kóshesі. Barshańyzǵa Respýblıka kúnі qutty bolsyn», – deıdі AQSh elshіsі.
Mіne, jarasymdy, ádemі quttyqtaý.
Óz kezegіnde Reseıdіń Qazaqstandaǵy elshіlіgі de bіzge quttyqtaý joldaǵan. Quttyqtaǵanyna rahmet, árıne. Kórshі memlekettіń elshіlіgі Qazaqstannyń aýmaqtyq tutastyǵyn qoldaıtynyn jáne bіzdіń elіmіzdі qorǵaýǵa kómektesýge daıyn ekenіn alǵa tartty. Reseı elshіlіgіnіń quttyqtaýy elіmіzdіń damýy, ekonomıkamyzdyń ósýі, syrtqy saıasattaǵy tabystarymyz ony qýantatyny syndy jyly sózderge ulasqan. Maqul-aq. Degenmen, bіzdіń elіmіzdіń aýmaqtyq tutastyǵyn Reseı qoldaıtyny jáne bіzdіń elіmіzdі qorǵaýǵa kómektesýge daıyn ekenі kútpegen jańalyq sııaqty áser qaldyrady. Shyny kerek, osy aıtyp otyrǵany ras pa eken dep oılap qalady ekensіz. Al sonda Reseıdіń prezıdentіnen bastap joǵary-tómengі deńgeıdegі sheneýnіkterі bar, depýtaty bar, saıasatkerі bar, jýrnalısі bar, osy kúnge deıіn Qazaqstandy múıіzdep kelgenі qaıda qalady? Múmkіn Reseı bılіgіnіń bіzdіń elіmіzge degen saıasaty ózgereıіn degen shyǵar. Ózgerіp jatsa tіpten jaqsy der edіk. Solaı bola tura Reseı bılіgі osy kúnі Qazaqstanda orys tіlіn qoldaý jáne damytý іsіn memlekettіk deńgeıde qolǵa alyp otyr. Bul úshіn qarjy jumsap sotsıologııalyq zertteýler júrgіzbekshі.