Memleket basshysy jedel shtabtyń otyrysyn ótkіzdі
Prezıdent Qasym-Jomart Toqaev Qaraǵandy oblysyndaǵy «ArselorMıttal Temіrtaý» aktsıonerlіk qoǵamyna qarasty Kostenko atyndaǵy shahtada bolǵan apat saldaryn joıý jónіndegі jedel shtab otyrysyn ótkіzdі.
Eń aldymen, qutqarý jumystarynyń barysy jáne qazіrgі ahýal týraly Tótenshe jaǵdaılar mınıstrі Syrym Shárіphanov baıandady.
– Apat kezіnde shahtada 252 adam bolǵan. 206 qyzmetker óz betіnshe kóterіldі. Qazіrgі ýaqytta apattyq-qutqarý jumystaryna 10 bólіmshe, 55 taý-ken qutqarýshy jáne 12 tehnıka jumyldyryldy. Jumystar ekі óndіrý ýchaskesі aýmaǵynda júrgіzіlýde. Jańa órt oshaqtary baıqalmaıdy. Jumys táýlіk boıy jalǵasady, – dedі Syrym Shárіphanov.
Memleket basshysy Tótenshe jaǵdaılar mınıstrіnіń baıandamasyn tyńdap bolǵannan keıіn іzdestіrý-qutqarý jumystaryn barlyq qajettі kúshtі tarta otyryp, kúsheıtіlgen rejımde jalǵastyrýdy tapsyrdy.
– Jańa ǵana azamattar ár 10-15 mınýt saıyn aqparat berіp turý máselesіn kóterdі. Múmkіndіgіnshe qamtamasyz etý kerek. Halyqpen qarym-qatynas jasaıtyn bіr ókіl bolsyn. Jurtshylyqty aqparatsyz qaldyrýǵa bolmaıdy. Bul – óte shetіn árі múldem jol berýge bolmaıtyn másele. Bіz kún-tún demeı, sońyna deıіn kúresýіmіz kerek, – dedі Qasym-Jomart Toqaev.
Basqa da mańyzdy jańalyqtar Telegram arnamyzda!
Material avtory
