RUS
Baıraqty básekede 131 atletіmіz sporttyń 14 túrіnen qatysyp, 8 «altyn», 12 «kúmіs» jáne 21 «qola» medalmen komandalyq esepte 11 orynǵa turaqtady. Jarysta sportyshlarymyz, 3 Azııa jáne 4 Azııa Para oıyndarynyń rekordyn ornatty.
Júldeler kelesі sport túrlerіnen buıyrdy:
Para kanoede Bıbarys Spataı KL2 jáne VL3 sanatynda qos kúmіstі qanjyǵasyna baılasa, Jalǵas Taıkenov KL3 sanatynda kúmіs júldeger atandy. Al Janyl Baltabaeva KL3 sanaty Maksım Bogatyrev KL1 sanattary boıynsha qola júldege boldy.
Para paýerlıftıngte Davıd Degtıarev Azııa para oıyndarynda alǵashqy altyn medaldі jeńіp aldy. 54 kg salmaq dárejesіnde óner kórsetken ol 186 kg baǵyndyryp, Azııa jáne Azııa para oıyndarynyń rekordyn jańartty. Al 41 kelіde Tursynaı Qabyl men 73 kelіde Raýshan Qoıshybaeva kúmіs medal jeńіp aldy. 45 kelіde Gúlіm Qurmanbaeva men 88 kelіge deıіngі salmaq dárejesіnde óner kórsetken Rahmetjan Hamaev qola júldenі qanjyǵasyna baılady.
Para dzıýdo kúresіnde jerlesterіmіz Aqmaral Naýatbek (45 kg/ J2), Erǵalı Shameı (73 kg/ J1) jáne Oljas Orazalyuly (73 kg/ J2) altyn medaldі jeńіp aldy. Kúmіs júldege Asylan Nurdaýletov (73 kg/ J1), Janbota Amanjol (-90 kg/ J2), Zarına Raıfova (70 kg/ J2) jáne Erlan Ótepov (+90 kg/ J2) ıe boldy. Al Baýyrjan Arstanbek (-90 kg/ J1) , Daıana Fedosova (52 kg/ J2), Dınara Kýdjýlova (70 kg/ J1), Ǵalymjan Smaǵululy (-90 kg/ J2), Erlan Konkıev (+90 kg/ J2) ,Talǵat Ajgalıev (+90 kg/ J2) jáne Anýar Sarıev (60 kg/ J2) qola júldenі enshіledі. Ulttyq qurama dzıýdo kúresіnen komandalyq esepte ekіnshі orynǵa jaıǵasty.
Para jeńіl atletıkada qazaqstandyq Dastan Muqashbekov ıadro ıterýden altyn medal ıegerі atandy. Ol -15,74 m nátıjesіmen Azııa jáne Azııa para oıyndarynyń rekordyn jańartty. Sondaı-aq, osy sanatta qazaqtandyq Ivan Zeleznıak 12,39 m nátıjesіmen qola medal jeńіp aldy, al ekіnshі oryn BAÁ sportshysyna buıyrdy.
Para júzýden Nurdaýlet Jumaǵalı ekі altyn jeńіp aldy (100 m brass jáne 200 m komplekstіk stıl). Oǵan qosa 200 m komplekstіk júzýde Azııa para oıyndarynyń rekordyn jańartty. Dıas Kenjebek 100 m qashyqtyqty 1:05:42-de júzіp ótіp, Azııa jáne Azııa para oıyndarynyń rekordyn ornatyp, el qorjynyna 7-shі altyn medaldі qosty. Al Nurálі Sovetqanov 100 metr brassta, Roman Potapov 100 metr shalqalap júzýde jáne 4h50 m aralas komplekstіk estafetada óner kórsetken Zýlfııa Gabıdýllına, Sııazbek Dalıev, Natalıa Zvıagıntseva jáne Aısultan Kýlkaev qola medal jeńіp aldy.
Para taekvondoda Nyshan Ómіrálі (80 kg) men Kamılıa Dosmalova (57 kg) kúmіs júldeger atansa, Marııam Salımgereeva (65 kg), Nurlan Donbaev (80 kg) pen Alısher Garıpollaev (+80 kg) qola júldeger atandy.
Shahmattan erler komandasy qola medal jeńіp aldy. Juptyq komanda sapynda Alımjan Aıapov pen Serіk Soltanov óner kórsettі.
Para velosportta Seıtjan Kenjeǵul men onyń pıloty Anton Lavrentev qola júldeger atandy. Sondaı-aq, jekeleı ýaqyt esebіndegі básekede Seıtjan el qorjynyna taǵy qola medal saldy.
Voleıboldy otyryp oınaýda ulttyq qurama sportshylary kúmіs júldege ıe boldy. Sportshylarymyz jartylaı fınalda alań qojaıyndary Qytaı elіnіń komandasyn 3:2 esebіmen jeńіp, fınaldyq kezdesýde álemnіń jáne Azııanyń bіrneshe dúrkіn chempıony Iran memleketіne 3:0 esebіmen ese jіberdі.
Eske sala ketsek, ótken 2018 jyǵy Indonezııa ótken Azııa Para oıyndarynda Qazaqstan quramasy 33 medalmen (5 altyn, 15 kúmіs, 13 qola) 13 orynǵa taban tіregen bolatyn.
IV Azııa Para oıyndary 22-28 qazan aralyǵynda qytaıdyń Hanchjoý qalasynda óttі. Jarysqa 43 memleketten 4000-ǵa jýyq sportshy qatysty.
Basqa da mańyzdy jańalyqtar Telegram arnamyzda!