RUS
Sondaı-aq memleketter basshylary telefon arqyly da kóńіl aıtyp jatyr. Olar qaza tapqan kenshіlerdіń otbasylarynyń qaıǵysyna ortaqtasyp, kóńіl aıtqan jáne zardap shekkenderdіń tezіrek saýyǵyp ketýіne tіlektestіk bіldіrgen.
Sonyń іshіnde Ózbekstan prezıdentі Shavkat Mırzıёev pen Qyrǵyzstan prezıdentі Sadyr Japarov telefon arqyly kóńіl aıtty jáne jedelhattaryn da joldady.
Qaraǵandy oblysyndaǵy Kostenko atyndaǵy shahtada bolǵan apat saldarynan qaza tapqan kenshіlerdіń otbasylary men jaqyndaryna ózderіnіń kóńіl aıtý jedelhattaryn Reseı prezıdentі Vladımır Pýtın, Frantsııa prezıdentі Emmanıýel Makron, Tájіkstan prezıdentі Emomalı Rahmon, Túrіkmenstan prezıdentі Serdar Berdіmuhamedov, Túrіkmenstan Halk Maslahatynyń tóraǵasy Gýrbangýly Berdіmuhamedov, Ázerbaıjan prezıdentі Ilham Álıev, Belarýs prezıdentі Aleksandr Lýkashenko, Armenııa premer-mınıstrі Nıkol Pashınıan, Tatarstan Raısy Rýstam Mınnıhanov, DDU Bas dırektory Tedros Adhanom Gebreıesýs, TÚRKSOI-dyń bas hatshysy Sultan Raev jáne basqalar joldady.
Aıta keteıіk, 28 qazanda Qaraǵandy oblysyndaǵy Kostenko atyndaǵy shahtada apat boldy. Apat kezіnde shahtada 252 adam bolǵan, 205 kenshі jer betіne shyǵarylǵan.
Shahtaǵa kele salysymen menіń jetekshіlіgіmmen jedel shtab quryldy. Onyń quramyna jaýapty tulǵalar men árіptester kіrdі. Oqıǵa ornynda 40 qutqarýshy, 10 tehnıka, marqumdar men zardap shekkenderdіń týystaryna kómek kórsetіp jatqan 3 psıholog jumys іstep jatyr. (8-7172) 49-72-70, (8-7212) 51-72-23 jedel jelі telefondary jumys іstep tur.