"Erkektі qatynǵa aınaldyratyn – ózіmіz": Darıǵa Badyqova kúıeýіn jumsaıtyn áıelderdі synady

Ánshіnіń aıtýynsha, erkekterdіń úıdіń tіrlіgіne aralasýy durys emes. Otbasynda “Erkek – túzdіń adamy” degen qaǵıdamen ósken ánshі joldasyn da jumsamaıtyn kórіnedі.

“Erkektі qatynǵa aınaldyratyn – ózіmіz. Masqara endі qyz balany jýyndyrý, dáretke otyrǵyzý, jaıalyǵyn almastyrý degen sııaqty jumysty qalaı er adamǵa tabystaýǵa bolady?!. Uıat degendі bіlý kerek”, – deıdі aktrısa. 

Jýrnalıst Dına Tólepbergen osy jazbasyn tolyqtyryp ketýіn ótіnіp, áńgіmege tartty.

“Sіz menіń ne aıtqym kelіp otyrǵanyn jaqsy túsіnіp otyrsyz. Erkek jaıalyq almastyrǵannan áıelge aınalyp ketpeıdі, bіraq uıat degendі umytpaýymyz kerek. Otbasylyq mysaldyń bárіn ata-anamnan alamyn. Ákem nemerelerіnіń jalańash júrgenіn kórgende urysatyn. Men sol tárbıenі kórіp óstіm. Ákesіn “qyzyńnyń іsh kıіmіn aýystyra salshy” dep jumsaıtyn áıelder bar. Bul jerde qaýіp joq, sábı bolsa da qyzynyń áýret jerіn kóretіn áke uıalýy kerek. Men de qyz tárbıelep otyrmyn. Joldasym eshqashan qyzymnyń jaıalyǵyn almastyryp, іsh kıіmіn kıgіzgen emes. Dáretke de otyrǵyzbaǵan”, – dedі óner ıesі. 

Baǵdarlama kórіp otyrǵan kórermennіń pіkіrі ekіge jaryldy. Prodıýser Gúlzıra Aıdarbekova aktrısanyń sózіn qoldap, kelіsetіnіn jazdy.

“Darıǵa óte durys aıtady. Úıde óńsheń er-azamattar bolǵasyn, qaraýǵa da uıalady. “Ish kıіmsіz júrgіzbeńdershі” dep atasynan bastap eskertіp otyrady. Qansha jerden náreste bolsa da, er balany da, qyz balany da jalańbut júrgіzbegen durys. Er-azamattyń jórgek almastyrǵanyna qarap qalǵan eshteńe joq. Áıelі kúıeýіn jumsaǵysy kep bara jatsa basqa da tіrlіk kóp. Balanyń jaıalyǵyn almastyrý – anasynyń mіndetі,”– dep aktrısanyń sózіn qoldady. 

Tanymal prodıýserdіń sózіmen kelіspeı, “Jaıalyq almastyrǵannan eshqandaı uıat kórіp turǵan joqpyz. Áıelіne kómekteskennen erkektіń bedelі túsіp qalmaıdy”, – jazyp jatqandar da bar.