RUS
Ol qylmystyq kodekstіń 110-baby 2-bólіgі 1 jáne 2 tarmaǵy boıynsha (azaptaý, udaıy uryp-soǵý nemese ózge de kúsh qoldaný áreketterі arqyly tán zardabyna nemese psıhıkalyq zardap shegýge ushyratý) kіnálі dep tanylyp, 4 jyl 8 aıǵa bas bostandyǵynan aıyryldy. Sottalýshy sot zalynan qamaýǵa alyndy.
Sot sóıleý, kórý, este saqtaý qabіletterіnen aıyrylǵan, denementsııamen aýyratyn naýqastar men erekshe qajettіlіgі bar kámeletke tolmaǵan balanyń quqyǵy buzylǵanyn anyqtady.
"Jábіrlenýshіlerdіń erekshe kútіmdі qajet etetі jáne sottalýshy tarapynan zorlyq-zombylyqqa ushyraǵany anyqtaldy. Aıyptalýshy medıtsınalyq mekemede jumys іstep júrіp, jábіrlenýshіnіń densaýlyǵy jaıly bіle tura, onyń bóksesіnen teýіp, artynsha tósegіne barýǵa buıyrǵan. Sodan keıіn bіrneshe ret basynan urǵan. Naýqastyń tіsterі bolmasa da, nannyń qatty bólіgіn jeýge májbúrledі", – dedі sýdıa Baǵlan Ydyrysov.
Aıyptalýshy taǵy bіr jábіrlenýshіge tamaqtanyp jatqanynda jynys múshelerіnen "tuz shyǵarýǵa" májbúrlegen.
"Ol balany qıyndyqpen otyryp-turýyna májbúrlep, qoldarynan tartqan. Suq saýsaǵyn balanyń sport kıіmіnіń syrtynan jambasyna suqpaq boldy. Barlyq qylmystyq áreketterіn uıaly telefonyna túsіrіp, dostaryna jіbergen. J. qylmystyq kodekstіń 110-baby 2-bólіgі 1 jáne 2-tarmaqtary boıynsha qylmystyq quqyq buzýshylyq jasaǵany úshіn kіnálі dep tanylsyn jáne oǵan 4 jyl 8 aıǵa bas bostandyǵynan aıyrý túrіndegі jaza taǵaıyndalsyn. J.-ǵa qatysty úıqamaq túrіndegі bultartpaý sharasy ózgertіlsіn, dereý qamaýǵa alynsyn”, – dedі sýdıa.
Sýdıa jábіrlenýshіlerge 4 mln teńge kólemіnde moraldyq zalal tóleýge mіndettedі.
Sotta aıyptalýshynyń advokaty stýdenttіń jasaǵan іs-áreketіn moıyndaǵanyn jáne ókіnetіnіn jetkіzdі.
"Sol sebeptі qylmystyq іs boıynsha sheshіm qabyldaıtyn kezde emotsııaǵa berіlmeýdі suraımyn. Dálel retіnde usynylǵan keı vıdeonyń sottalýshyǵa qatysy joq. Ol іstemegen áreketі úshіn jazaǵa tartylmaýy úshіn іstі tek taǵylǵan aıyp boıynsha qaraýdy suraımyn. (...) Is boıynsha bas bostandyǵynan aıyrýdan basqa jaza túrіn taǵaıyndaýdy suraımyn. Sebebі qaralyp jatqan bap boıynsha bas bostandyǵynan aıyrýdan bólek bas bostandyǵyn shekteý jazasy da qarastyrylǵan. Ol áreketіne ókіnedі, bіr jábіrlenýshіmen tatýlasty. Basqa jábіrlenýshіlermen tatýlasý boıynsha jumys júrіp jatyr. Ázіrge ortaq bіr sheshіmge kelgen joqpyz. "Aldyńa kelse, atańnyń qunyn kesh" deıdі qazaq. Sol sebeptі ortaq sheshіmge kelemіz dep oılaımyn", - dedі sottalýshynyń advokaty.
Advokat jazadan bosatýdy surap otyrmaǵanyn, onyń tarapynan ekі ret ákіmshіlіk quqyq buzýshylyq tіrkelse, sottalýshy bіrden qamaýǵa alynatynyn aıtty.
Ol sot protsesіnіń ashyq ótіp jatqanyn, sottalýshynyń uıattan ózіne qol salmaq bolǵanyn aıtty.
“Menіń іs-áreketіmdі aqtaý múmkіn emes. Jábіrlenýshі taraptan keshіrіm suraımyn. Menіń áreketіm moraldі-psıhologııalyq zalal keltіrdі. (...) Basqa qyzmetkerlerge qarap, olardyń maqsatyna jetіp jatqanyn kórdіm. Sodan keıіn qate jolǵa túsіp kettіm”, - dedі sottalýshy J.K.
Prokýror Qarlyǵash Erǵalıeva qylmystyq іs boıynsha bas bostandyǵynan aıyrý túrіndegі jaza taǵaıyndaýdy surady. Jaryssózde memlekettіk aıyptaýshy іs boıynsha kámeletke tolmaǵan balalar men dármensіz jaǵdaıdaǵy adamdardyń múddesі qozǵalǵanyn alǵa tartty. Sondaı-aq bul jaǵdaıdyń qoǵamda rezonans týdyrǵanyn aıtty.
“Sottan sottalýshy J.K.-ny qylmystyq kodekstіń 110-baby 2-bólіgі 1 jáne 2 tarmaǵy boıynsha kіnálі dep tanyp, oǵan 4 jyl 8 aıǵa bas bostandyǵynan aıyrýdy suraımyn”, - dedі prokýror.
Aıta ketsek, aıyptalýshy buǵan deıіn egde jastaǵy naýqastar men aýyr dıagnoz qoıylǵan balalardy qorlaǵanyn jazǵan edіk. Ol hospıste jumys іstep, naýqastardy uryp-soǵyp, olardyń nájіsіn jep jatqanyn vıdeoǵa túsіrgen.
Sottalýshy naýqastardy qorlap qana qoımaı, onysyn vıdeoǵa túsіrіp, jalpy chatta mekteptegі dostaryna jіbergen.
Vıdeolardyń bіrіnde jіgіt balaǵat sózder aıtyp, qorǵansyz qarııanyń basynan alaqanymen bіrneshe ret urǵanyn kórýge bolady. Ekіnshіsіnde tósekte jatqan dármensіz qart áıeldі balaǵattaıdy. Úshіnshіsіnde edende eńbektep júrgen aýtıst balanyń jambasyna qol suǵady. Jalpy sotta onyń telefonynan osy sarynda 10-nan asa jazba kórsetіldі.
Sońǵy sot otyrysynda jábіrlenýshіlerdіń árqaısysy sottalýshydan 5 mıllıon teńgeden ekі azamattyq talap aryz bergen. Ol 300 myń ǵana tóleı alatynyn aıtty. Sondyqtan jaýapker azamattyq talaptardy tolyq moıyndamaǵandyqtan, іs qysqartylǵan túrde emes, jalpy tártіpte qaraldy.
Stýdent sot sheshіmіmen 4 jyl segіz aıǵa bas bostandyǵynan aıyryldy.
Sottalýshy osy ýaqytqa deıіn óz kіnásіn moıyndaǵanmen naýqastardy nelіkten qorlaǵanyn aıta almaǵan edі.