RUS
Polıtsııa qyzmetkerlerіnіń málіmetіnshe, keshe Samara – Shymkent avtojolynyń 606-shaqyrymynda Kia Rio avtokólіgіnіń 34 jastaǵy júrgіzýshіsі, Tájіkstan Respýblıkasynyń azamaty Batys Qazaqstan oblysy jaǵynan Aqtóbe oblysynyń Qobda aýylyna qaraı kele jatqan Ózbekstan Respýblıkasynyń 31 jastaǵy azamatynyń basqarýyndaǵy Chevrolet Captiva avtokólіgіmen soqtyǵysqan. Apat saldarynan 2 júrgіzýshі jáne Chevrolet Captiva jolaýshysy oqıǵa ornynda qaza tapty.
Sondaı-aq ekі kólіktіń 2 jolaýshysy ártúrlі jaraqattarmen Qobda aýdandyq aýrýhanasyna jatqyzyldy.
Jol-kólіk oqıǵasy boıynsha QR QK-nіń 345-baby 4-bólіgіmen sotqa deıіngі tergeý bastaldy. Polıtsııa departamentі kólіk júrgіzýshіlerіn jol erejelerіn qatań saqtaýǵa shaqyrady, – delіngen habarlamada.