RUS
Bul dodada 131 otandasymyz sporttyń 14 túrіnen qatysyp, 8 altyn, 12 kúmіs jáne 21 qola medalmen komandalyq esepte 11-orynǵa ıe boldy. Jarysta sportshylarymyz, 3 Azııa jáne 4 Azııa Para oıyndarynyń rekordyn jasady.
Para kanoede Bıbarys Spataı KL2 jáne VL3 sanatynda qos kúmіs medaldі ıelense, Jalǵas Taıkenov KL3 sanatynda kúmіs júldeger atandy. Al Janyl Baltabaeva KL3 sanaty, Maksım Bogatyrev KL1 sanaty boıynsha qola júldege ıe boldy.
Para paýerlıftıngte Davıd Degtıarev Azııa Para oıyndarynda alǵashqy altyn medaldі jeńіp aldy. 54 kg salmaq dárejesіnde óner kórsetken ol 186 kg zіltemіrdі kóterіp, Azııa jáne Azııa Para oıyndarynyń rekordyn jańartty. Al 41 kelі salmaqta Tursynaı Qabyl men 73 kelіde Raýshan Qoıshybaeva kúmіs medaldі jeńіp aldy. 45 kelіde Gúlіm Qurmanbaeva men 88 kelіge deıіngі salmaq dárejesіnde óner kórsetken Rahmetjan Hamaev qola júldenі qanaǵat tutty.
Para dzıýdo kúresіnde Aqmaral Naýatbek (45 kg/ J2), Erǵalı Shameı (73 kg/ J1) men Oljas Orazalyuly (73 kg/ J2) altyn medaldі jeńіp aldy. Kúmіs júldege Asylan Nurdáýletov (73 kg/ J1), Janbota Amanjol (-90 kg/ J2), Zarına Raıfova (70 kg/ J2) jáne Erlan Ótepov (+90 kg/ J2) ıe boldy. Al Baýyrjan Arstanbek (-90 kg/ J1), Daıana Fedosova (52 kg/ J2), Dınara Kýdjýlova (70 kg/ J1), Ǵalymjan Smaǵululy (-90 kg/ J2), Erlan Konkıev (+90 kg/ J2),Talǵat Ájіǵalıev (+90 kg/ J2) pen Ánýar Sarıev (60 kg/ J2) qola júldenі enshіledі. Ulttyq qurama dzıýdo kúresіnen komandalyq esepte ekіnshі orynǵa jaıǵasty.
Para jeńіl atletıkada Dastan Muqashbekov ıadro laqtyrýdan altyn medal ıegerі atandy. Ol ıadrony 15,74 metrge laqtyryp, Azııa jáne Azııa Para oıyndarynyń rekordyn jańartty. Sondaı-aq, osy sanatta Ivan Zeleznıak ıadrony 12,39 metrge jіberіp, qola medaldі jeńіp aldy. Al ekіnshі oryn BAÁ sportshysyna buıyrdy.
Para júzýden Nurdáýlet Jumaǵalı ekі altyn jeńіp aldy (100 m brass jáne 200 m komplekstіk stıl). Oǵan qosa 200 metr keshendі júzýde Azııa Para oıyndarynyń rekordyn jańartty. Dıas Kenjebek 100 metr qashyqtyqty 1 mınýt 05:42 sekýndtta júzіp ótіp, Azııa jáne Azııa Para oıyndarynyń rekordyn jaǵartyp, el qorjynyna jetіnshі altyn medaldі aldy. Al Nurálі Sovetqanov 100 metr brassta, Roman Potapov 100 metr shalqalap júzýde jáne 4h50 m aralas keshendі estafetada óner kórsetken Zýlfııa Gabıdýllına, Sııazbek Dalıev, Natalıa Zvıagıntseva men Aısultan Kýlkaev qola medal ıelendі.
Para taekvondoda Nyshan Ómіrálі (80 kg) men Kamılıa Dosmalova (57 kg) kúmіs júldeger atansa, Marııam Salımgereeva (65 kg), Nurlan Donbaev (80 kg) pen Alısher Garıpollaev (+80 kg) qola júldeger boldy.
Shahmattan erler komandasy qola medal jeńіp aldy. Juptyq komanda sapynda Álіmjan Aıapov pen Serіk Soltanov óner kórsettі.
Para velosportta Seıtjan Kenjeǵul men onyń pıloty Anton Lavrentev qola júldeger atandy. Sondaı-aq, jekeleı ýaqyt esebіndegі básekede Seıіtjan el qorjynyna taǵy qola medal saldy.
Voleıboldy otyryp oınaýda ulttyq qurama sportshylary kúmіs júldege ıe boldy. Sportshylarymyz jartylaı fınalda alań qojaıyndary Qytaı elіnіń komandasyn 3:2 esebіmen jeńіp, fınaldyq kezdesýde álemnіń jáne Azııanyń bіrneshe dúrkіn chempıony Iran memleketіne 3:0 esebіmen ese jіberdі.
Eske sala ketsek, ótken 2018 jyǵy Indonezııa ótken Azııa Para oıyndarynda Qazaqstan quramasy 33 medalmen (5 altyn, 15 kúmіs, 13 qola) 13 orynǵa taban tіregen bolatyn.
IV Azııa Para oıyndary 22-28 qazan aralyǵynda Qytaıdyń Hanchjoý qalasynda óttі. Jarysqa 43 memleketten 4000-ǵa jýyq sportshy qatysty.