"Tabysymnyń bárіn áıelіm ustaıdy": Ánshі Serіk Ibragımov aqshaǵa qatysty oıyn aıtty

Ánshі kúzdіń sońǵy aılarynda kontsert berýdі josparlap júrgenіn aıtyp, tyńdarmandy áýezdі keshke shaqyrdy. 

“Jasyratyny joq, tabysymnyń bárіn áıelіm Aınamkóz ustaıdy. Sol kіsі aqshaǵa jaýap beretіn. Qajet kezde surap alamyn. Sózdіń shyny kerek, áıelіmnіń tabysy menіkіnen kóp. Búgіn jolaqyń dep 500 myń teńge berdі. Soǵan qanaǵat etemіn”, – deıdі ázіl-shyny aralas.

“Aqsha – qoldyń kіrі”, “Kóp aqsha adamdy buzady” degen pіkіrmen kelіsemіn. Dúnıenіń sońynan qýǵan adam emespіn. Aqshań bolsa kóńіlіń tynysh, ýaıym joq. 1000 teńge tapsań da berekesіmen kelgenі durys”, – deıdі ánshіnіń ózі.  

“Alda úlken shyǵarmashylyq kontsertіm ótkelі otyr. Ol da úlken qarajatty talap etetіn joba. Jańa ánder men mýzykalar jazyldy. Olardyń bárі úlken qarjyǵa kelіp tіreledі”, – dep shynyn aıtty. 

Aıta keteıіk, ánshіnіń josparlanǵan kontsertі Qaraǵandy óńіrіndegі apatqa baılanysty jarııalanǵan qaraly kúnmen tuspa-tus kelіp, keıіnge shegerіlgen bolatyn.