RUS
Telearnanyń málіmetіnshe, memleket qaıratkerі beınelengen bul kadrlar 1935 jyly Qazaq avtonomııasynyń qurylǵanyna 15 jyl tolýyna oraı túsіrіlgen. Ahmet Baıtursynuly atyndaǵy Tіl bіlіm ınstıtýtynyń ǵylymı qyzmetkerі Ermuhamet Maralbek taspany tapqan.
Sonymen qatar ǵylymı qyzmetker Máskeý muraǵatynan taǵy qandaı qundy derekterdі kezdestіrgenіn aıtyp berdі.
Máskeý qalasyna qazannyń 19-27 aralyǵynda 3 ǵalym barǵan bolatynbyz. Reseı memlekettіk fotoqujattar muraǵatynda boldyq. Sol muraǵattaǵy fotoqujattarmen túgel tanysyp shyqtyq. Ózіmіzge qajettіlerіn qarap shyqqanda, Sáken Seıfýllınnіń beınejazbasy kezdesіp qaldy. Sáken Seıfýllınmen bіrge, Oraz Jandos, Álіbı Jangeldınnіń beınejazbasy osynda túsіrіlgen, - dedі ǵylymı qyzmetker.
Ermuhamet Maralbektіń aıtýynsha, budan bólek Máskeýden bіrneshe qundy qujat tabylǵan.
Reseı memlekettіk Lenın atyndaǵy kіtaphanada sırek qoljazbalar qorynda jumys іstedіk. Alash qaıratkerlerіnіń kóptegen eńbegі saqtalǵan. Ahmet Baıtursynuly týraly ǵylymı aınalymda joq, esh jerde kezdestіrmegen eńbekterі tabyldy. Ol týraly zertteı túsý kerek. Zertteý nátıjelerіn aldaǵy ýaqytta jarııalaıtyn bolamyz, - dedі Ermuhamet Maralbek.