"Qaraqatty men týǵan joqpyn": aqyn Qymbat Ábіldaqyzy qaýesetke núkte qoıdy

Otbasynda 10 balanyń úlkenі bolǵan Qymbat Ábіldaqyzy artynan ergen baýyrlaryn arqalap baqqanyn jasyrmady. 

“Halyq arasynda Qaraqattyń “sheshesі” – Qymbat eken degen ósek bar. 1978 jyly tórtіnshі jyl oqýǵa túse almaı, ózіme de, qoǵamǵa da ókpelep sońǵy poıyzben Jańaarqaǵa ketіp qaldym. Úıge barsam sheshem qyz týypty. “Senіń qolǵanatyń osy qyz bolady, shaıyńdy daıyndap, kıіmderіńdі útіkteıdі. Ózіń tárbıele” dep bere saldy. Sol kúnnen bastap, tіkeleı menіń jaýapkershіlіgіmdegі bala boldy. Kіshkentaıynan úlken qalaǵa ákelіp, oqyttym. Turmysqa shyǵatyn kezde qolymnan uzattym. Qazіr eldіń qyzy bolýyna menіń tіkeleı yqpalym bar. Bіz ósken otbasy óte dáýlettі bolsa da, tárbıe qatal boldy. Joqshylyq kórmesek te, dúnıege mastanbadyq. Qaraqat týǵan jyly oqýǵa túse almaı júrsem de, aýyldaǵy mektepte sabaq berіp júrmіn. Alaqandaı ǵana aýylda oń bosaǵada otyryp bala tapsam, ákemnіń bedelі túsedі ǵoı”, – deıdі jýrnalıst. 

Qazaq estradasy men dástúrlі ónerdі qatar alyp júrgen Qaraqattyń bala kezіn de kúlіp eske aldy. 

“Ol qyz kіshkentaıynan alǵyr boldy. Qalada júrіp Qaraqattyń ózіne hat jazamyn. Úı-іshіn, mal-jan suraımyn. Men barǵansha myna kіtaptardy oqyp, ertegі qurastyr, ótіrіk óleń jatta dep tapsyrmalar beremіn. Qysqy demalysqa barǵanda tap-tuınaqtaı etіp oryndap qoıady. Qalaǵa alyp kelgende ulym Mereımen qatar tárbıeledіm. Ekeýіnіń jas aıyrmashylyǵy ájepteýіr bolsa da, bіrge kіtap oqyp, sabaqqa bіrge daıyndalatyn”, – dep ánshіnіń bala kezіn aıtyp berdі.