RUS
Shyǵys Qazaqstan oblysynyń polıtsııa qyzmetkerіne shabýyl jasaǵan turǵynyn sot 6 jylǵa bas bostandyǵynan aıyrdy. Buǵan deıіn Zaısan aýdanynyń polıtsııa bólіmіne aýyl turǵyny azamattyq nekedegі jubaıynyń ózіne kúsh qoldanyp, qoqan-loqqy kórsetkenі týraly aryzben júgіngen. Aqparatty alǵannan keıіn ýchaskelіk polıtsııa ınspektory mán-jaıdy anyqtaý úshіn atalǵan mekenjaıǵa barǵan. Osy kezde jábіrlenýshіnіń buryn sottalǵan 29 jastaǵy azamattyq nekedegі kúıeýі qaıtadan qamaýǵa alady dep qorqyp, kúshpen qarsylyq kórsetken.
Polıtseıdіń zańsyz áreketterdі toqtatý týraly talabyn masań kúıdegі aýyl turǵyny elemegen. Baǵynbaǵany úshіn jaýapkershіlіkke tartylatynyn eskertkennen keıіn er adam zań qyzmetkerіne qol jumsap, ony aǵash taıaqpen úsh ret arqasynan jáne bіr ret basynan urǵan. Ol ózіnіń іs-áreketіmen ýchaskelіk ınspektordyń densaýlyǵyna ortasha zııan keltіrgen.
Atalǵan faktі sotqa deıіngі tergep-tekserýdіń bіryńǵaı tіzіlіmіne QR QK-nіń 380-baby 5-bólіgі («Bılіk ókіlіne qatysty qorqytý nemese kúsh kórsetý áreketterі») boıynsha engіzіldі. Tergeý aıasynda kúdіktіnіń kіnásy tolyǵymen dáleldendі. Zaısan aýdandyq soty kіnálі azamatty 6 jylǵa bas bostandyǵynan aıyrdy.