RUS
Polıtsııa qyzmetkerlerіnіń málіmetіnshe, kúdіktіler elіmіzge Astanada esіrtkі óndіrіsіn uıymdastyrý jáne olardy ótkіzýdіń іrі arnasyn jolǵa qoıý úshіn kelgen. Aldymen, ıaǵnı mamyrda elge qylmystyq bıznestіń uıymdastyrýshysy kelgen. Ol Astanada páter jaldap, esіrtkі zerthanasyn іske qosýǵa daıyndalǵan. Osy maqsatta Aqmola oblysy Ereımentaý qalasynyń shetіnen úı, Qazaqstanǵa shetelden keletіn sybaılastary paıdalaný úshіn avtokólіk satyp alǵan. Barlyq qajettі qural-jabdyq pen prekýrsorlarǵa tapsyrysty qylmysker ınternet arqyly esіrtkі óndіrіsіne mamandanǵan saıttarda berіp otyrǵan. Olar kontrabandalyq jolmen jetkіzіldі.
Kúdіktі osy kezeńde polıtsııanyń nazaryna іlіktі. Qylmyskerler qaýіpsіzdіk sharalaryn ustanýǵa tyrysqan. Úıge jaqyn jerlerde túnde qaraýǵa arnalǵan úsh kamera ornatylǵan. Olar aýlanyń perımetrіn baqylaýǵa jáne sál kúdіk týǵan kezde óndіrіstі jasyrýǵa múmkіndіk berdі.
Polıtseılerdіń joǵary daıyndyǵy men kelіsіlgen іs-qımyldardyń arqasynda esіrtkі zerthanasynyń jumysy bastapqy kezeńde toqtatyldy. Qylmyskerler esіrtkі sıntezіnіń sońǵy tsıklіnde ustaldy. Bul olardyń qylmystyq áreketterіnіń qajettі dáleldі bazasyn qamtamasyz etýge múmkіndіk berdі. Qala kóshelerіne 12 kelіden astam mefedron jіberіlmedі. Bul – qaýіptі preparattyń shamamen 60 myń dozasy. Ustalǵandarǵa qatysty qylmystyq toptyń quramynda asa іrі mólsherde esіrtkі óndіrgenі úshіn Qazaqstan Respýblıkasy Qylmystyq kodeksіnіń 297-baby 3-bólіgі boıynsha qylmystyq іs qozǵaldy. Ol boıynsha múlkі tárkіlenіp, 15 jylǵa deıіn bas bostandyǵynan aıyrý jazasy kózdeledі, – dedі IIM esіrtkі qylmysyna qarsy іs-qımyl departamentі bastyǵynyń orynbasary Sarqytbaı Qusaıynov.
Jyl basynan berі іshkі іster organdary 40 jasyryn esіrtkі zerthanasyn joıdy. Onyń úsheýіnde shetel azamattary jumys іstegen. Zańsyz aınalymnan 195 kelі daıyn psıhoaktıvtі zattar men 79 tonna prekýrsor tárkіlendі.