RUS
Kólіkterdі toqtatyp, tekserіp ótkіzetіn ondaı beketter jetі jerden oryn teptі. Al quqyq qorǵaý organdarynyń jumysy kúsheıtіlgen rejımge aýysty.
Astana qalalyq polıtsııa departamentіnіń habarlamasynan:
Búgіnnen, ıaǵnı 31 qazan saǵat 08.00-den bastap qalanyń perımetrі boıynsha Qaraǵandy, Qosshy, Kókshetaý, Pavlodar qalalarynyń, sonymen qatar Qorǵaljyn, Astrahanka kentterіnen, halyqaralyq áýejaıdan qalaǵa keletіn joldarǵa 7 blokpost qoıyldy. Bul shara azamattardyń qujattaryn, sondaı-aq avtokólіkterde tyıym salynǵan zattardyń bar-joǵyn tekserýge baǵyttalady.
Belgіlі bolǵanyndaı, blokbeketter qoıylyp, polıtsııa qyzmetіnіń kúsheıýі Qazaqstanǵa shet el kóshbasshylarynyń keletіnіmen baılanysty eken. Álem tolqyp, ustaranyń júzіndeı almaǵaıyp shaq týyndap turǵan qazіrgі ýaqytta saqtyqtyń kúsheıgenі durys ta bolar. Búgіnde álemdі mıtıng, aktsııa degen jaılap barady. Sondyqtan shet el basshylary Qazaqstandaǵy jumystaryn tynyshtyqpen tyndyryp ketkenі de abroı shyǵar.
Búgіn, 1-qarashada Astanaǵa Frantsııa prezıdentі Emmanýel Makronnyń resmı saparmen keletіnі habarlanǵan. Ol Qazaqstanǵa prezıdent Qasym-Jomart Toqaevtyń shaqyrýymen keledі delіngen. 2-qarashada Qazaqstanǵa Vengrııa premer-mınıstrі Vıktor Orban keledі. 3-qarashada Astanada Túrkі memleketterі uıymynyń mereıtoılyq Onynshy sammıtі ótedі. Túrkııa, Ázerbaıjan, Qyrǵyzstan, Ózbekstan kóshbasshylary qatysady. Vengrııa men Túrkіmenstan basshylary baqylaýshy elder retіnde otyrady.
Túrkі memleketterіnіń bas qosqany jaqsy. Buǵan Túrkııa prezıdentі Rejep Taıyp Erdoǵannyń ózі keledі dep kútіlýde. Ortaǵa salyp talqylaıtyn nárse kóp. Sammıttіń jumysyna sáttіlіk tіleımіz.
Sammıttіń jónі túsіnіktі. Erdoǵannyń Astanada tóbe kórsetіp ketkenіnіń ózі ne turady. Túrkııa Qazaqstannyń tórtіnshі іrі saýda serіktesі ekenі aıtyldy. Ótken jyly ekі eldіń taýar aınalymy 6,3 mıllıard dollarǵa jettі. Al bıylǵy jyldyń jetі aıynda bul kórsetkіsh 3,6 mıllıard dollardy qurady. Qazaqstanda túrіk kapıtaly bar 4300 kompanııa jemіstі jumys іsteıdі. Osy bіrer kún buryn ǵana Toqaev pen Erdoǵan telefon arqyly sóılesken. Bіzdіń prezıdentіmіz Túrkııa prezıdentіn Túrkııa respýblıkasynyń 100 jyldyǵymen quttyqtady. Túrkııanyń Gaza sektoryna gýmanıtarlyq kómek jetkіzý bastamasy jáne Izraıldіń soqqylarynan beıbіt turǵyndar qaza bolyp jatqany da áńgіmege arqaý bolǵan. Erdoǵan Astanada ótetіn Túrkі memleketterіnіń sammıtіnde Izraıldіń halyqaralyq quqyqty buzýyna jol bermeý, atysty toqtatýdyń jáne qaqtyǵystardy boldyrmaýdyń joldaryn egjeı-tegjeılі talqylaý kerektіgіn aıtqan. Erdoǵan sondaı-aq Toqaevqa Qaraǵandy oblysynda shahterlerdіń qaza bolýyna baılanysty kóńіl aıtty.
Frantsııa prezıdentі Emmanýel Makronnyń Astanaǵa memlekettіk sapary da eleýlі oqıǵa. Aldyn ala habarlanǵanyndaı, Qazaqstan jáne Frantsııa prezıdentterі ekі el arasyndaǵy saýda-ekonomıkalyq, ınvestıtsııalyq jáne energetıkalyq yntymaqtastyqty nyǵaıtý máselelerі jónіnde kelіssóz júrgіzedі. Árıne, halyqaralyq kún tártіbіndegі ózektі máselelerdі de talqylaıdy. Qazaqstan Prezıdentі buǵan deıіn, ıaǵnı byltyr qarashada Parıjge baryp, Makronmen kelіssózder júrgіzgen bolatyn.
Bıylǵy sáýіrdіń basynda Qasym-Jomart Toqaev Frantsııa prezıdentіnіń arnaýly ókіlі Izabel Dıýmondy qabyldaǵan edі. Arnaýly ókіl Frantsııa prezıdentі Emmanıýel Makronnyń hatyn tabys etken. Toqaev Frantsııa Qazaqstannyń Eýropadaǵy basty saıası jáne ekonomıkalyq serіktesterіnіń bіrі ekenіn aıtqan. Byltyr kúzde Toqaev pen Makron Frantsııada ekі saǵattaı áńgіmelesken eken. «Elderіmіz arasynda barlyq deńgeıde belsendі jáne senіmdі saıası dıalog ornaǵan», – degen Toqaev. Memleket basshysynyń aıtýynsha, 2008 jyly Eýropalyq Odaqqa múshe memleketterdіń arasynda Frantsııa bіrіnshі bolyp Qazaqstanmen strategııalyq serіktestіk týraly shartqa qol qoıǵan.
Frantsııamen osyndaı bіr jaqyndastyq bar. Onyń prezıdentіn Toqaev Astanaǵa saparǵa arnaıy shaqyrǵan edі. Makronnyń sapary ekonomıkalyq jáne saıası yntymaqtastyqqa tyń serpіn beredі dep kútіlýde. Álі júzege asyrylatyn kóptegen kelіsіmder bar. Elіmіzde Frantsııanyń jetekshі kompanııalary jumys іsteıdі, odan bólek, frantsýz kapıtalynyń úlesі bar 170 kásіporyn іstep tur.
Vengrııanyń premer-mınıstrі Vıktor Orbanǵa kelsek, onymen de saýda-ekonomıkalyq, ınvestıtsııalyq jáne mádenı-gýmanıtarlyq salalarda kelіssózder júrgіzіledі. Árі ol baqylaýshy retіnde Túrkі memleketterі uıymynyń sammıtіne qatysady.