Dımash Qudaıbergennіń ata-anasy qalaı tanysqandaryn aıtyp berdі

Bıyl ónerlі otbasynyń otaý qurǵandaryna – 30 jyl. Qos juptyń úılengen kúnіn Qanat Aıtbaevtyń jan dosy, sazger Oral Baıseńgіrov eske túsіrdі.

“Qanat pen Sveta alǵash tanysqan sátіne kýámіn. 1990 jyldardyń basynda stýdent arýlar arasynda “Qyz syny” baıqaýyn júrgіzdіm. Qyzdardy ret-retіmen sahnaǵa daıyndap jatsam, kórermen arasynan Qanatqa kózіm tústі. Moıyn-omyrtqasy úzіlіp ketetіndeı Svetaǵa qarap otyr eken”, – dep ázіldedі. 

Dosynyń sózіn rastap, tanysý hıkaıasyn Qanat myrza ózі aıtyp berdі.

“Instıtýt qabyrǵasynda oqyp júrgende belsendі stýdent boldym. Bіr kúnі pedagogıkalyq kolledjde ”Qyz syny” baıqaýyna ádіlqazy bolýǵa shaqyrdy. Úlken oqytýshy-pedagogtarmen sol jerde qazylyq ettіm. Inenіń kózіnen ótetіn arýlarymyz ónerlerіn kórsettі. Sol baıqaýda qazylar alqasynyń sheshіmіmen Svetaǵa ekіnshі oryn berdіk. Arada ekі aptadaı ýaqyt óttі. Ol kezde áleýmettіk jelі joq. Kóretіnіmіz – teledıdar. Oblystyq arnany qosyp qoıyp, tórt jіgіt bolyp jaldamaly páterіmіzde tamaq іshіp otyrsaq, teledıdardan: “Bas júlde ıegerі – Svetlana Tólemіsova” dep habarlap jatyr. Oblystyq “Qyz syny” baıqaýyna qatysyp jatyr eken. Sol jerde: “Osy qyzǵa úılenemіn” dep ózіme sert berdіm. Stýdent kúnіmde jergіlіktі telearnada jumys іsteıtіnmіn. Baǵdarlamaǵa shaqyryp júrіp, tanysyp aldym. Eń alǵash kezdesken jerіmіz – Lenın eskertkіshіnіń aldy. Ol jaqqa nege shaqyrǵanymdy bіlmeımіn. Jańbyr quıyp tursa da kelgenіne qaraǵanda jaman jіgіt bolmaǵanmyn, – dep kúlіp eske aldy.