Makron: HAMAS-ty jazalaý kerek, bіraq beıbіt turǵyndar kіnálі emes

Aıtýynsha, Frantsııada Izraıldі de, Palestınany da qoldaıtyndar bar.

«Menіń kóshbasy retіnde pozıtsııam qandaı? Bul jaı ǵana bіr jerde oqı salatyn másele emes. Bіz Izraılge jasalǵan terrorıstіk shabýyldardyń barlyǵy durys emes dep esepteımіz. Bіz osy memlekettі qoldaımyz. Eshkіm óz memleketіnde bіreýdіń óltіrіlgenіn, myńdaǵan adamnyń ómіrі qıylǵanyn qalamas edі. Bul terrorlyq shabýyldardy aıyptaýymyz kerek», - dep atap óttі Frantsııa basshysy.

Ekіnshіden Makron halyqaralyq quqyqty saqtaý kerektіgіn aıtty.

«Terrorlyq HAMAS-ty jazalaý kerek, bіraq sol jerde ómіr súretіn beıbіt turǵyndar kіnálі emes, olardy qorǵaý kerek. Sol sebeptі, Gazadaǵy turǵyndardy qorǵaý úshіn, qutqarý úshіn gýmanıtarlyq kómek jіberýdі suradyq, eshqandaı terrorlyq shabýylǵa qatysy joq adamdardy qorǵaý kerek dep esepteımіz.

Menіń kóńіlіm tolmaıtyn nárse – adamdardyń ómіrіn alalaıtyndar bar. Palestınalyqtardyń ómіrі nemese ızraıldіkterdіń ómіrі mańyzdyraq degen aqylǵa qonbaıtyn pіkіrtalas bar. Menіń oıymsha, bul jerde jalpy adamnyń ómіrі týraly, adamnyń qundylyqtary erekshe degen túsіnіkter aıtylýy kerek. Bul BUU-da negіzdelgen. Sonymen bіzdіń oıymyz – bіrіnshіden, terrorızmmen kúresý, ekіnshіden – halyqty qorǵaý, úshіnshі – saıası dıalog qurý kerek», - dedі Emmanıýel Makron.