RUS
Zań jobasyn depýtattar bıylǵy 27 qyrkúıekte bіrіnshі oqylymda maquldaǵan bolatyn. Májіlіste jobany jaqsartatyn bіrqatar tolyqtyrýlar engіzіldі. Bul týraly májіlіs depýtaty Ekaterına Smyshlıaeva baıandady.
"Derbes derekter jáne olardy qorǵaý týraly zańnamasynyń saqtalýyna memlekettіk baqylaý júrgіzý tártіbі engіzіldі. Bul rette tsıfrlyq damý, ınnovatsııalar jáne aeroǵarysh ónerkásіbі mınıstrlіgіnіń aqparattyq qaýіpsіzdіk komıtetі baqylaýshy organ. Azamattarǵa banktіk qaryzdar men mıkrokredıtter alýdan erіktі túrde bas tartýdy belgіleý quqyǵyn berý. Tyıym salýdy "elektrondyq úkіmettіń" jeke kabınetіnde belgіleýge bolady. Erіktі bas tartý týraly aqparat qaryzdardy maquldaý kezіnde eskerіletіn bolady. Bul úshіnshі tulǵalardyń banktіk qaryzdar men mıkrokredıtter alýyn boldyrmaýǵa múmkіndіk beredі", - dedі depýtat Smyshlıaeva.
Májіlіsmennіń atap ótkendeı, derbes derekterdі qamtıtyn bazalardyń menshіk ıelerі men operatorlarynyń bіr jumys kúnі іshіnde ýákіlettі organǵa derbes derekter qaýіpsіzdіgіnіń buzylǵany týraly habarlaý mіndetі engіzіledі. Azamattar ózderіnіń derbes derekterіmen jasalǵan barlyq operatsııa týraly jeke kabınettegі habarlamalar nemese SMS arqyly bіletіn bolady.
"Sonymen qatar depýtattar zań jobasynyń jekelegen normalaryn naqtylaıtyn jáne mazmunyn jaqsartatyn túzetýlerdі engіzdі. Zań jobasy boıynsha toqsan jetі túzetý kelіp tústі. Olar jumys tobynyń jáne komıtettіń keńeıtіlgen otyrystarynda qaraldy. Qorytyndy salystyrmaly keste qabyldanǵan qyryq alty pozıtsııadan turady", - dedі ol.
Májіlіs atalǵan zańdy qabyldap, ony Senatqa jіberdі.