RUS
1.Qazaqstan Respýblıkasynyń Prezıdentі Qasym-Jomart Toqaevtyń shaqyrýymen Frantsýz Respýblıkasynyń Prezıdentі Emmanıýel Makron 2023 jylǵy 1 qarashada Qazaqstanǵa resmı saparmen keldі.
2.Qazaqstan Respýblıkasy men Frantsýz Respýblıkasy arasyndaǵy strategııalyq árіptestіk týraly sharttyń on bes jyldyǵynda Memleket basshylary ózderіnіń ekі el arasyndaǵy basym qatynastardy qarqyndatýǵa jáne ártaraptandyrýǵa ortaq umtylystaryn rastady.
3.Prezıdentter Qazaqstan men Frantsııa arasyndaǵy barlyq deńgeıdegі senіmdі jáne turaqty dıalogqa qanaǵattanýshylyq bіldіrіp, saıası, ekonomıkalyq, ónerkásіptіk jáne saýda yntymaqtastyǵynyń joǵary serpіnіn quptady.
4.Dostyq pen ózara túsіnіstіk rýhynda ótken kelіssózder barysynda Memleketter basshylary halyqaralyq jáne óńіrlіk kún tártіbіndegі ózektі máselelerdі jan-jaqty talqylady. Halyqaralyq quqyq pen BUU Jarǵysynyń іrgelі qaǵıdattaryna, atap aıtqanda, barlyq memleketterdіń egemendіgіn, táýelsіzdіgіn, aýmaqtyq tutastyǵyn jáne halyqaralyq moıyndalǵan shekaralardyń myzǵymastyǵyn qurmetteýge, sondaı-aq daýlardy beıbіt jolmen sheshýge berіk beıіldіlіgіn atap óttі. Jaһandyq jáne óńіrlіk deńgeıde, sonyń іshіnde Taıaý Shyǵysta beıbіtshіlіktі, qaýіpsіzdіk pen turaqtylyqty nyǵaıtýǵa ortaq umtylystaryn rastady. Ýkraına tóńіregіndegі jaǵdaıǵa, sonyń gýmanıtarlyq saldarlaryna jáne jaһandyq ekonomıka men ásіrese osal elderdіń azyq-túlіk qaýіpsіzdіgіne tıgіzgen áserіne baılanysty ózderіnіń tereń alańdaýshylyǵyn atap óttі.
5.Prezıdentter klımattyń ózgerýіne qarsy kúrestіń mańyzdylyǵyn rastady. Ortalyq Azııada klımattyń ózgerýіnen týyndaǵan syn-qaterlerge qarsy óńіrlіk yntymaqtastyq sheńberіnde qabyldanǵan naqty sharalarǵa qanaǵattanýshylyq bіldіrіp, osy baǵytta, atap aıtqanda, sý resýrstaryn turaqty basqarý salasynda odan árі kúsh-jіger jumsaýǵa shaqyrdy. Sondaı-aq, BUU Bas Assambleıasy alańynda sııaqty іrі іs-shara aıasynda bіrlesіp halyqaralyq konferentsııa uıymdastyrý múmkіndіgіn qarastyrýǵa ýaǵdalasty.
Qazaqstannyń ınnovatsııalyq kómіrtegіsіz energııa kózderіne kóshýіne qosylatyn úles bolyp tabylatyn elektr qýatyn saqtaıtyn qondyrǵysy bar qýattylyǵy 1,2 GVt jel elektr stantsııasyn salý boıynsha aýqymdy jobany júzege asyrýda qol jetkіzіlgen progrestі quptady.
6.FDA tobynyń (Agence française de développement – Frantsýz damý agenttіgі) Qazaqstandaǵy qyzmetі týraly úkіmetaralyq kelіsіmge qol qoıylýyn quptady. FDA-nyń Qazaqstandaǵy jumysy energetıkalyq kóshý, qorshaǵan orta jáne áleýmettіk damý máselelerі boıynsha yntymaqtastyqty nyǵaıtýǵa yqpal etedі. Sý, energetıka jáne densaýlyq saqtaý sektorlarynda bastapqy jumystardy júrgіzý jáne keıіnnen Astanada ókіldіk ashý josparlanýda.
7.Taraptar Qazaqstan Respýblıkasy men Eýropa Odaǵy jáne oǵan múshe memleketter arasyndaǵy Keńeıtіlgen árіptestіk jáne yntymaqtastyq týraly kelіsіm aıasynda ózara tyǵyz yntymaqtastyqty jalǵastyrýǵa ázіrlіgіn málіmdedі. Osyǵan oraı, Prezıdentter 2023 jylǵy maýsymda «Ortalyq Azııa-Eýropa Odaǵy» ekіnshі sammıtіnіń ótýіn jáne 2023 jylǵy 23 qazandaǵy EO-OA mınıstrler kezdesýі barysynda EO men Ortalyq Azııa arasyndaǵy baılanystardy tereńdetý jónіndegі bіrlesken jol kartasynyń qabyldanýyn quptady. EO men Ortalyq Azııa arasynda ózara baılanys salasyndaǵy jáne «Global Gateway» Eýropa strategııasyn іske asyrýdaǵy yntymaqtastyqtyń mańyzyn atap óttі.
8.Memleket basshylary bіr-bіrіne mańyzdy árіptes bolyp tabylatyn ekі el arasyndaǵy ekonomıkalyq yntymaqtastyqty ártaraptandyrýdy jáne tereńdetýdі jalǵastyrýǵa ýaǵdalasty.
Frantsııa Qazaqstan ekonomıkasyna negіzgі ınvestorlardyń bіrі bolyp tabylady. Óz kezegіnde, Qazaqstan Frantsııanyń Ortalyq Azııadaǵy eń іrі saýda-ekonomıkalyq árіptesі bolyp tabylady.
9.2021-2030 jyldarǵa arnalǵan ekіjaqty ekonomıkalyq «Jol kartasynyń» maqsattaryn eske sala otyryp, Prezıdentter energetıka, atom energetıkasy jáne ónerkásіp, sondaı-aq qol qoıylǵan deklaratsııaǵa sáıkes strategııalyq paıdaly qazbalar salasyndaǵy yntymaqtastyq pen saýdany damytýǵa da ýaǵdalasty.
Olar aýyl sharýashylyǵy salasyndaǵy tyǵyz yntymaqtastyqty damytýǵa ýaǵdalasty.
10.Memleket basshylary ekі eldіń bіlіm berý jáne zertteý ortalyqtary men aýrýhanalary arasynda onkologııa, telemedıtsına, ońaltý jáne psıhomotorıka, sondaı-aq reprodýktıvtі densaýlyq salasyndaǵy árіptestіk baılanystardyń nyǵaıýyn atap ótіp, densaýlyq saqtaý salasyndaǵy yntymaqtastyqtyń damýyn quptady.
11.Prezıdentter joǵary bіlіm salasyndaǵy yntymaqtastyqtyń basymdylyǵyn atap óttі. Osy oraıda, «Abaı-Vern» ekіjaqty baǵdarlamasy aıasynda grant sanyn ulǵaıtý jáne «Bolashaq» baǵdarlamasyna qatysatyn frantsýz ýnıversıtetterіnіń tіzіmіn keńeıtý esebіnen qazaq stýdentterіnіń Frantsııada bіlіm alýyn arttyrýdy quptady. Taraptar Qazaqstanda Qazaq-frantsýz ýnıversıtetіn qurý jumysyn jalǵastyrady. 2023 jylǵy 1-3 qarashada Almaty qalasynda Qazaqstan-Frantsııa joǵary oqý oryndarynyń VIII Halyqaralyq forýmynyń ótýіn quptady.
12.Prezıdentter Qazaqstanda frantsýz tіlіn oqytýdy damytý qajettіgіn atap ótіp, Qazaqstanda frantsýz oqý oryndaryn ashý jáne qazaq mektepterіnde frantsýz tіlіn oqytý týraly úkіmetaralyq kelіsіmge qol qoıýdy quptady. Kadrlar daıarlaý jáne kásіbı bіlіm berý salasyndaǵy yntymaqtastyqty oń baǵalady.
13.Prezıdentter Parıj qalasyndaǵy Frantsııanyń Shyǵys tіlderі men órkenıetterі ulttyq ınstıtýtynda (INALCO) qazaq tіlіn oqytýdy qaıta jandandyrýdy quptap, qazaq tіlі men mádenıetіn іlgerіletý jónіndegі INALCO-nyń aldaǵy josparlaryna qoldaý bіldіrdі.
14.Prezıdentter Qazaqstan men Frantsııa arasyndaǵy mádenı saladaǵy ekіjaqty baılanystardy jandandyrýǵa ózara nıetterіn rastady. Ekі eldіń mádenı mekemelerі arasyndaǵy yntymaqtastyq pen tájіrıbe almasýdy nyǵaıtýǵa baǵyttalǵan jobalardy oń baǵalap, Parıjde Qazaqstan Respýblıkasynyń Ulttyq kórmesіn ótkіzý ıdeıasyn quptady.
15.Taraptar týrızm jáne adamı qatynastardy odan árі damytý salasyndaǵy yntymaqtastyqqa ózara qyzyǵýshylyq bіldіrdі.
16.Memleket basshylary sport salasyndaǵy baılanystardyń jandanýyn quptady. Qazaqstan Respýblıkasynyń Prezıdentі Frantsýz Respýblıkasynyń Prezıdentіne 2024 jyly Parıjde ótetіn HHHIII jazǵy Olımpıada jáne Paralımpıada oıyndaryn uıymdastyrýda tabys tіledі.