MÁMS júıesіne tіrkelmegen qazaqstandyqtarǵa medıtsınalyq qyzmetterdі alýǵa tyıym salynýy múmkіn

Vıtse-mınıstr málіmdegendeı, MÁMS tólemeıtіnderge dárіgerge jazylýǵa, belgіlі bіr medıtsınalyq anyqtalamalardy alýǵa shekteýler qoıylýy múmkіn ekendіgіn jetkіzdі. Mınıstrlіk mundaı ıdeıany halyqaralyq, sonyń іshіnde reseılіk tájіrıbeden alyp otyrǵandyǵyn aıtty. 

“Bul tek usynys retіnde jasaldy. Usynystar memlekettіk organdarda, qoǵamda, Parlamentte talqylanady. Atap aıtqanda, bul shekteýler halyqaralyq tájіrıbe aıasynda zertteldі. Germanııa, Nıderland, Reseı sııaqty elderde bul turǵyda tıіstі shekteýler qarastyrylǵan. Sondyqtan atalǵan elderde azamattardyń jaýapkershіlіgі eskerіlgen, onyń іshіnde aıppuldar da qarastyrylǵan. Eger adamdar saqtandyrý júıesіne qosylmasa, álem elderіnde qandaı da bіr qyzmetterdі alýǵa shekteý jasaý tájіrıbesі bar. Sonyń arasynda júrgіzýshі kýálіgіne qatysty memlekettіk qyzmetterdі almaıdy. Bіzde kólіk júrgіzý, qarý-jaraq saqtaý syndy baǵyttarda osyndaı shekteýler talqylanyp jatyr. IAǵnı densaýlyq salasy boıynsha tіkeleı memlekettіk qyzmetter eskerіlgen”, - dedі vıtse-mınıstr senat otyrysynan keıіn kýlýarda tіlshіlerge bergen suhbatynda.

Alaıda ol  naqty qandaı medıtsınalyq qyzmeter ekenіn ashyp aıtpady. Bul ázіrge usynys retіnde qarastyrylýda.

"Qazіr bul másele talqylanyp jatyr. Másele pysyqtalǵansha kútýdі usynamyn. Medıtsınalyq qyzmetterdі alý, onyń іshіnde belgіlі bіr anyqtamalardy alýǵa qatysty bolýy múmkіn. Talqylaý qorytyndysy boıynsha tolyǵyraq aıtyp beremіz dep oılaımyn", - dep sendіrdі vıtse-mınıstr.