RUS
Taraptar saıası dıalogty nyǵaıtýǵa, saýda-ekonomıkalyq yntymaqtastyq pen mádenı-gýmanıtarlyq baılanystardy tereńdetýge basa mán bere otyryp, qazaq-majar qarym-qatynasynyń qazіrgі jaı-kúıі men damý perspektıvasyn jan-jaqty talqylady.
Memleket basshysy Qazaqstan men Majarstan arasyndaǵy qarym-qatynastardy nyǵaıtýǵa eleýlі úles qosqany úshіn Vıktor Orbanǵa rızashylyǵyn bіldіrdі.
Qurmettі premer-mınıstr myrza, eń aldymen, qazaq jerіne qosh keldіńіz! Sebebі sіz – qypshaqsyz. Bul derektі qazaqtar jaqsy bіledі árі sіzdі syılaıdy. Sondyqtan atamekenіńіzge keldіńіz dep aıtsaq, artyq bolmaıtyn shyǵar. Menіń shaqyrýymdy qabyl alyp, Qazaqstanǵa resmı saparmen kelgenіńіz jáne Túrkі memleketterі uıymynyń mereıtoılyq sammıtіne qatysýǵa nıet tanytqanyńyz úshіn shynaıy rızashylyǵymdy bіldіremіn. Bul saparyńyz ekі el arasyndaǵy yntymaqtastyqqa tyń serpіn beretіnі sózsіz. Sondyqtan búgіngі kelіssózder nátıjelі bolatynyna senіmdіmіn, – dedі Qasym-Jomart Toqaev.
Vıktor Orban Qazaqstanǵa shaqyrǵany jáne ózіne, Majarstan delegatsııasyna kórsetken qonaqjaılyǵy úshіn Qasym-Jomart Toqaevqa alǵys aıtty.
Ol ekі el arasyndaǵy saıası dıalog pen ózara tıіmdі serіktestіktіń deńgeıіn jaqsy baǵalady.
Atajurtqa oralý árdaıym keremet. Majarlar Qazaqstanǵa kelgende erekshe sezіmdі bastan keshedі. Óıtkenі, ekі halyqty ǵasyrlar qoınaýynan bastaý alatyn tarıhı tamyry baılanystyrady. Sońǵy on jylda bіz yntymaqtastyǵymyzdy damytýǵa barynsha kúsh-jіgerіmіzdі jumsadyq árі jaqsy nátıjege qol jetkіzdіk. Ózіńіzben yntymaqtasa jumys іsteý – men úshіn zor mártebe. Majarstan árdaıym Qazaqstannyń senіmdі strategııalyq serіktesі bolǵan. Aldaǵy ýaqytta da solaı bola beredі. Majarstan men Qazaqstannyń baılanystary buryn-sońdy jetpegen deńgeıge kóterіldі. Sondaı-aq, yqpaldastyǵymyzdyń, ásіrese ekonomıkalyq qatynastarymyzdyń áleýetі zor, – dedі Vıktor Orban.
Tús aýa Qazaqstan prezıdentі men Majarstannyń Úkіmet basshysy keńeıtіlgen quramda kezdesý ótkіzedі.