RUS
Polıtsııa qyzmetkerlerіnіń málіmetіnshe, Almaty aýdanynyń jedel qyzmetkerlerі avtokólіkke qatysty mashyqtanǵan 2 alaıaqty anyqtaǵan. Polıtsııaǵa qala turǵyny habarlasyp, sheteldіk kólіktі zańdastyrýǵa ýáde bergen alaıaqtyń qurbany bolǵanyn jetkіzgen. Oǵan onyń kólіktі kórshі memlekettіń tіrkeýіnen shyǵara almaǵany sebep bolǵan. Jábіrlenýshі alaıaqqa kórsetetіn qyzmetіne 500 myń teńge aýdaryp jіbergen.
Jedel-іzdestіrý sharalary barysynda tártіp saqshylary Ázerbaıjannyń alaıaqtyqpen aınalysqan, buryn sotty bolǵan 35 jastaǵy azamatyn anyqtaǵan.
Taǵy bіr jaǵdaıda polıtseıler Astananyń asa іrі kólemde alaıaqtyq jasaǵan, buryn sottalǵan 37 jastaǵy turǵynyn anyqtady. Ol jábіrlenýshіnіń senіmіne kіrіp, alaıaqtyq jolmen 32 mıllıon teńgeden astam qarajatyn ıemdengen.
Tergeý barysynda alaıaqtyń avtopark ıesіne Toyota markaly 8 avtokólіktі satyp alýǵa avtonesıe rásіmdeýge ýáde bergenі belgіlі bolǵan. Oǵan sengen Astana turǵyny bastapqy jarnany tóleý úshіn qomaqty somany berіp úlgergen.
Qazіr ustalǵandar kіnásіn moıyndady. Olarǵa qatysty QR Qylmystyq kodeksіnіń 190-baby («Alaıaqtyq») boıynsha tergeý júrgіzіlіp, qalada osyǵan uqsas qylmystarǵa qatystylyǵy da anyqtalyp jatyr, – delіngen polıtsııa habarlamasynda.