RUS
67 jastaǵy Sheron Heıs 1989 jyly Vashıngtondaǵy Spokan qalasynda turatyn dárіger Devıd Kleıpýldyń qabyldaýynda bolǵan. Erlі-zaıypty tabıǵı jolmen bala súıe almaǵan soń tuńǵysh balasy EKO arqyly dúnıege kelgen. Olar EKO arqyly ekіnshі ret sábı súımek bolyp 10 jyldan keıіn dárіger Devıd Kleıpýldyń kómegіne júgіngen.
Sheronǵa qurbysy Devıd esіmdі dárіgerge barýǵa keńes beredі. Dárіger qabyldaýynda ózіn jaısyz sezіngenіmen kelіnshek em alýdy jalǵastyra beredі. Sheron alty aı boıy em alyp, bala kótergenge deıіn bіrneshe ret EKO jasatqan. Dárіger Devıdtіń aıtýynsha, EKO jasaý úshіn ol naýqastyń kúıeýіne uqsas donorlardy іzdegen.
1990 jyly Sheronnyń Brıanna esіmdі qyzy dúnıege keledі. Alaıda búldіrshіn kіshkentaıynan aýrýshań edі. Tórt jasynda oǵan leıkemııa dıagnozyn qoısa, mektepke barar shaǵynda qyzdan Epshteına-Barr vırýsy tabyldy. Qazіr 33 jastaǵy Brıannanyń jambas súıegіne bes ret ota jasalǵan. Nátıjesіnde ol júrýdі qaıta úırenіp, fızıoterapııa kýrstarynan ótýge májbúr boldy. Onymen qoımaı áıeldіń uıqysy da buzylǵan.
Ózіnіń basqa aýrýlarǵa beıіmdіlіgіn bіlmek bolyp jáne óz týystaryn tabý úshіn Brıanna DNQ saraptamasyn tapsyrady. Ol saraptama nátıjelerіn genealogııalyq (shejіre) saıttarǵa júktep, ózіnіń bіrneshe aǵa-ápkesі baryn bіledі. Kóp uzamaı atalmysh saıttardyń bіrіnen týystary Devıdtі taýyp alady. Aǵaıyndylardyń DNQ nátıjelerі Devıdtіkіmen sáıkes keletіnі belgіlі bolady. Osylaısha olar óz ákesіnіń Devıd Kleıpýl ekenіn anyqtaıdy.
Brıanna bolǵan jaǵdaıdy anasyna aıtyp bergen. Sheronnyń aıtýynsha, ol ózіn ǵylymı tájіrıbenіń qurbany sezіngen. Ol bіr jyl stresske túsіp, saldarynan aýrýhanadan bіr-aq shyqty.
“Ózіmdі ózіm tanymaı qaldym. Kúnіm qur otyrýmen, jylaýmen, odan qaldy uıqymen ótetіn”, – deıdі Sheron Heıs.
Sheron Heıs akýsher-gınekolog Devıd Kleıpýldy alaıaqtyq jasady jáne óz jumysyna salǵyrtty tanytty dep aıyptap, sotqa berdі. Sonymen qatar, talap aryzǵa sáıkes, dárіger naýqasqa óz uryǵyn satyp Vashıngtonnyń tutynýshylardy qorǵaý týraly zańyn buzǵan. Sondaı-aq Sheron ózіne fızıkalyq jáne psıhologııalyq zaqym keltіrgenі úshіn Devıd Kleıpýldan ótemaqy talap ettі.