RUS
2 qarashadaǵy jaǵdaı boıynsha, eńbek jáne halyqty áleýmettіk qorǵaý mınıstrlіgі men memlekettіk áleýmettіk saqtandyrý qory Kostenko shahtasynda órt saldarynan qaza tapqan shahterlerdіń balalaryna járdemaqy men tólemder taǵaıyndady.
Qaza bolǵan 46 kenshіnіń 21-іnіń artynda asyraýy kerek balalary bolǵandyqtan kelesі áleýmettіk qoldaý túrlerіn alýǵa quqyǵy bar.
1. Respýblıkalyq bıýdjet qarajaty esebinen asyraýshysynan aıyrylý jaǵdaıy boıynsha memlekettik áleýmettik járdemaqy. Bul járdemaqynyń mólsherі qaıtys bolǵan adamnyń asyraýyndaǵylardyń sanyna baılanysty anyqtalady jáne olardyń aı saıynǵy mólsherі 37 322 teńgeden (bіrіnshі balaǵa) 111 560 teńgege (bes balaǵa) deıіn bolady. Járdemaqy segіz jasqa deıіngі balasyn asyrap otyrǵan jumyssyz analarǵa da berіledі.
2. Memlekettіk áleýmettіk saqtandyrý qorynan asyraýshysynan aıyrylǵan jaǵdaıda tólenetіn áleýmettіk tólem. Bul tólemnіń mólsherі qaıtys bolǵan adamnyń tabysyna jáne onyń áleýmettіk saqtandyrý júıesіne qatysý merzіmіne qaraı anyqtalady. Tólemder aıyna 56 myń teńgeden 272 myń teńgege deıіngі aralyqta bolady.
Qoldanystaǵy zańnamaǵa sáıkes, asyraýshysynan aıyrylǵan jaǵdaıda tólenetіn tólemder balalar 18 jasqa tolǵanǵa deıіn, al joǵary oqý oryndarynda kúndіzgі bólіmde oqyǵan jaǵdaıda 23 jasqa tolǵanǵa deıіn tólenedі.
Oqys oqıǵa bolǵan kúnі, 28 qazanda Qaraǵandy oblysynyń ákіmdіgі ýákіlettі memlekettіk organdarmen bіrlesіp, "ArselorMıttal Temіrtaý" AQ qaıtys bolǵan qyzmetkerlerіnіń otbasy múshelerіnіń tіzіmderіn jasady.
Úkіmettіń baspasóz qyzmetі Toqaevtyń tapsyrmasy boıynsha olarǵa jan-jaqty kómek kórsetіletіnіn habarlady:
- kompanııa qarajaty esebіnen otbasylar úshіn turǵyn úı satyp alyp-berý;
- 10 jyldyq jalaqy mólsherіnde moraldyq bіrjolǵy moraldyq ótemaqy tóleý;
- 18 jasqa deıіn (23 jasqa deıіn – joǵary oqý ornynda oqý kezіnde) asyraýyndaǵy adamdarǵa aı saıynǵy saqtandyrý tólemі;
- jalaqysyna qaraı memlekettіk áleýmettіk saqtandyrý qorynan aı saıynǵy tólem;
- asyraýyndaǵy adamdardyń sanyna qaraı asyraýshysynan aıyrylý boıynsha aı saıynǵy memlekettіk járdemaqy;
- jumys berýshіnіń qarajaty esebіnen otbasynyń nesıesіn óteý;
- jerleýge baılanysty barlyq shyǵyndardy jabý;
- balalar men jubaılaryn jumysqa ornalastyrý;
- 23 jasqa deıіngі balalardyń oqýy úshіn tólem jasaý;
- erlі-zaıyptylar men balalarǵa sanatorııalyq-kýrorttyq emdeýge joldamalar berý;
- peshpen jylytylatyn úılerde turatyn otbasylarǵa jyl saıyn kómіr bólý.