RUS
"Sіz Qazaqstanda kórnektі saıası kóshbasshy, ýaqyt synynan ótken, álemdіk arenada úlken qurmetke laıyq dos retіnde tanymalsyz. Osyǵan baılanysty sіzdіń qazaq-majar qarym-qatynasyn damytýǵa udaıy qosyp kele jatqan úlesіńіzdі jáne kórnektі basqarýshylyq qabіletіńіzdі joǵary baǵalaıtynymyzdy aıtqym keledі. Kóp jaǵdaıda sіzdіń qaltqysyz kúsh salýyńyzdyń, myzǵymas jeke ustanymyńyzdyń arqasynda ekі aradaǵy árіptestіktіń keleshegіne úlken optımızmmen, tyń talpynyspen qaraımyz", — dedі Toqaev.
Memleket basshysy Vıktor Orbannyń qos halyqtyń yntymaǵy jolynda sіńіrgen eńbegіn erekshe atap óttі.
"Sіzdі I dárejelі “Dostyq“ ordenіmen marapattaý jónіnde sheshіm qabyldadym. Bul — tereń qurmet pen іzettіń, tatý halyqtarymyzdyń bіrlіgіnіń, qarym-qatynasymyzdy nyǵaıtýǵa degen berіk yntanyń, ózara qurmetke qurylǵan senіmnіń sımvoly", — dedі Prezıdent.
Aıta keteıіk, Búgіn Qazaqstanǵa Majarstan premer-mınıstrі Vıktor Orban kelіp, Toqaev ekeýі shaǵyn quramda kelіssóz ótkіzdі.