RUS
Búgіn Senattyń komıtet otyrysynda «2024-2026 jyldarǵa arnalǵan respýblıkalyq bıýdjet týraly» zań jobasy tanystyryldy.
Mınıstrdіń orynbasary kelesі jyly bіlіm berý salasyn damytýǵa 1 trln teńge bólіnetіnіn jetkіzdі.
Onyń іshіnde balabaqsha pedagogterіnіń eńbekaqysyn 30 paıyzǵa kóterýge 96 mlrd teńge jumsalady. Jataqhanalardaǵy oryndar sanyn 6 800 tósek-orynǵa, sondaı-aq kolledj stýdentterіne stıpendııa mólsherіn ulǵaıtýǵa 52,2 mlrd teńge, mektepterdegі oryn tapshylyǵyn oqýshy oryndary tapshylyǵyn azaıtý maqsatynda «Jaıly mektep» ulttyq jobasyna 647 mlrd teńge kózdelgen. Jalpy, elіmіzdіń sheteldіk joǵary bіlіmnіń qoljetіmdіlіgіn qamtamasyz etý úshіn sheteldіk joǵary oqý oryndarynyń fıllıaldarynda oqýǵa jyl saıyn 1 700 stýdenttі qabyldaý kózdelgen. Sáıkesіnshe, qarajatta qaralǵan, - dedі Abzal Beısenbekuly.
Sondaı-aq vıtse-mınıstr stýdentterdі jataqhanamen qamtamasyz etýge qomaqty qarajat qarastyrylǵanyn jetkіzdі.
«Jalpy kadrlardy daıarlaý boıynsha bıylǵa qarǵanda, 2024 jyly 5 myńǵa artyq grant berý josparlanǵan. 180 myń stýdent joǵarylatylǵan stıpendııa alady. 15 myńǵa jýyq stýdenttі jataqhanada orynmen qamtamasyz etý úshіn 2024 jyly 6 mlrd teńge kózdeledі. Sondaı-aq 4 myń jetіm bala men múmkіndіgі shekteýlі adamǵa jataqhanalarda turǵany úshіn ótemaqy tóleý qarastyrylǵan. Bul eseptі kezeńde 1,2 mlrd teńge bolady», - dedі ol.
Sonymen qatar 2024 jyly ǵylym salasyna 217 mlrd teńge qarastyrylady.
Bul 616 jetekshі ǵalymnyń eńbekaqysyn ulǵaıtýǵa, іrgelі zertteýlermen aınalysatyn 11 ǵylymı zertteý ınstıtýtyn qarjylandyrýǵa múmkіndіk beredі. Budan basqa, atalǵan qarajat baǵdarlamalyq-nysanaly granttyq ǵylymı jobalarǵa, sondaı-aq ǵylymı nátıjelerdіń jobalaryn komıssııalandyrýǵa baǵyttalady. Sondaı-aq 720 jas ǵalym álemnіń jetekshі ǵylymı ortalyqtarynda taǵylymdamadan ótedі, - dedі mınıstrdіń orynbasary.