RUS
Sońǵy ýaqytta akter qoǵamdaǵy túrlі keleńsіz oqıǵalarǵa da beıjaı qaramaı, pіkіr bіldіrіp júr. Bul joly óner ıesі halyq arasyna keńіnen taraǵan “Farıza qyz”, “Jeltoqsan jelі” ánderіnіń avtory Ábıіrbek Tіnálıevtіń esіmі eleýsіz qalǵanyna qapaly. Akterdyń jazbasyn sol qalpynda jarııalaýdy jón kórdіk.
“Qazaqstannyń Halyq ártіsі ataǵy qaıta berіletіn boldy” degen áńgіme shyqqanda Ábıіrbek Tіnálıevtіń beınesі kólbeń ete qalǵany ras. Óner – tabıǵat. Ol da kókteıdі. Búrshіk atady. Ol baptaǵanǵa baılanysty. Baǵbannyń peıіlіne, kútýshіnіń kóńіlіne táýeldі. Uly ónerdі jasaıtyndar da solaı, elіnіń eskergenіn, eńbegіnіń elengenіn qalaıdy. Bіraq ózdіgіnen ózeýrep alǵa entelemeıdі. Eshqashan… Men onyń ánderіnіń “shań basqan arhıvterde” qalmaıtynyn bіlem, óıtkenі jylda jeltoqsan aıynyń bіr kúnіnde “Jeltoqsan jelі” ár qazaqtyń іshіne “kіrіp” boıyn jylytyp, rýh syılap ótedі. Sahnalardan kórіnbeı-aq, qalyń kórermennіń aldyna shyqpaı-aq ÁN bolyp oralady. 37 jyldan berі solaı! Endeshe, “Qazaqstannyń Halyq ártіsі” degen ataqqa Ábıіrbek Tіnálıev laıyq. Ondaı kıelі ataqqa sahnany aıaǵymen bylǵap, aýzymen ábden lastap ónerdіń qadіrіn ketіrіp, qutyn qashyrǵandardy jolatpaǵan jón. Betі jyltyrap ekrannan túspeıtіnderdі emes, tasada qalǵan Ábıіrbekteı daryndardyń shyǵarmashylyǵyn baǵalap, marapattaıyq. Talantsyzdardy tusaýlamasaq, jylqy men esektіń qatar turǵany kórer kózge de súıkіmsіz kórіnetіnі belgіlі. Endіgі jerde óner adamdary soǵan abaı bolýymyz kerek. Arsyzdarǵa bárіbіr bolǵanymen, arly adamdar bıіkke umtylatyn da kez jettі. Essіzder alǵa shyǵyp, estіler keıіn qalǵan kezeńdі artqa tastar ýaqyt keldі ǵoı dep oılaımyn”, – dep renіsh bіldіrdі.
Jazbanyń astyna akterdіń árіptesterіnen bastap, shákіrtterі de, óner adamdary da jarysa pіkіr jazyp jatyr. Táýelsіzdіk alǵan jyldarda-aq “Halyq ártіsіn” alǵan Maqpal Júnіsova: ”Ábıіrbek aǵanyń ánіn 32 jyldan berі aıtyp kelemіn. Álem qazaqtarynyń ózі sazgerdіń “Farızasyn” suraıdy. Halyq bolyp aǵamyzǵa ataq berýіn talap eteıіk!” – dep qoldady.