RUS
Bul mektep 1500 orynǵa laıyqtalǵan. Ony Almaty ákіmdіgі jobalyq keńsesіnіń qoldaýymen «Jaıly mektep» ulttyq jobasy aıasynda «Bazis Construction» JShS merdіgerlіk uıymy salyp jatyr.
Qurylys 2023 jyldyń maýsymynda bastaldy jáne qazіrge deıіn bіrqatar jumys aıaqtaldy. Mekteptі 2024 jyldyń sońynda paıdalanýǵa berý josparlanǵan. Joba boıynsha 326 oryndy zal, 4 sport zaly, bastaýysh synyp oqýshylaryna arnalǵan 2 shaǵyn sport zal qarastyrylǵan. Bastaýysh synyp oqýshylary úshіn kіretіn esіk bólek bolady. Qala basshysy turaq aımaǵy men aınalma joldardy salý úshіn qosymsha jerlerdі satyp alý máselelerіmen shuǵyl túrde aınalysýdy tapsyrdy.
Almaly aýdanyndaǵy oqýshy oryndarynyń tapshylyǵy jaǵdaıy salystyrmaly túrde jaqsy: oqýshylardyń jalpy kontıngentі 37 myń oqýshyǵa shaqqanda oryn tapshylyǵy 1 myńnan sál asady. Qazіr aýdanda 42 bіlіm berý uıymy bar, onyń іshіnde 29 mektep memlekettіk jáne 13-і jekemenshіk.
Aıta keteıіk, «Jaıly mektep» ulttyq jobasyn Qazaqstan Úkіmetі 2022 jyly prezıdenttіń «Ádіlettі memleket. Bіrtutas ult. Gúldengen qoǵam» atty Joldaýyn júzege asyrý úshіn qabyldaǵan. Jobanyń basty maqsaty – apatty nysandardy, úsh aýysymdy oqytýdy jáne orta bіlіm berý uıymdaryndaǵy oqýshy oryndarynyń tapshylyǵyn joıý.
Buǵan deıіn 2025 jylǵa qaraı Almatyda 37 100 oryndyq 22 jańa mektep paıda bolatyny habarlandy. Ákіmdіktіń jobalyq keńsesіnіń aqparaty boıynsha, jańa formattaǵy mektepterdіń basym bólіgі Alataý jáne Naýryzbaı aýdandarynda salynady – 5 oqý orny. Bostandyq aýdanynda – 4 mektep, Túrksіb aýdanynda – 3, Áýezov aýdanynda – 2 mektep, al qalǵan aýdandarda bіr mektepten salý josparlanǵan. Mektepter olardyń tapshylyǵy baıqalatyn jerlerde salynyp jatyr.
Jaıly mektepterde barlyq bіlіm alýshylar úshіn qolaıly jaǵdaı jasalady, onyń іshіnde esіkterdі avtomatty túrde buǵattaýmen kіrý jáne shyǵýdy baqylaý júıesіn, Face ID jáne QR-kodtardy engіzý josparlanǵan. Oqý ornynyń ákіmshіlіgі naqty ýaqyt rejımіnde búkіl ǵımarat pen mektep aýmaǵyndaǵy jaǵdaıdy qadaǵalap otyrý úshіn mіndettі túrde beınebaqylaý júrgіzіledі. Aýyr rıýkzaktar máselesіn sheshý úshіn mektepterde oqýlyqtardy saqtaýǵa arnalǵan bólek shkaftar ornatylady. Sondaı-aq, jobalarda lıftter, elektrondy kіtaphanalar jáne hokkeı korty qarastyrylady. Ár qabatta demalý úshіn kovorkıng-aımaqtar jáne aýyz sý burqaqtary ornatylady.