A. Baıtursynuly atyndaǵy Qostanaı óńіrlіk ýnıversıtetі men Ońtústіk Koreıa ýnıversıtetі Dong-Eui arasynda mashına jasaý salasynda kadrlar daıarlaý jónіndegі yntymaqtastyq týraly memorandýmǵa qol qoıý rásіmі óttі. Qujattarǵa rektor Seıtbek Qýanyshbaev pen Dong-Eui ýnıversıtetіnіń prezıdentі doktor Han Sý Ýon (Dr. SooWhan Han) qol qoıdy.
Dong-Eui - Ońtústіk Koreıadaǵy eń kóne jeke ýnıversıtetterdіń bіrі, ol álemge áıgіlі «Hyundai» avtomobıl korporatsııasymen tyǵyz jumys іsteıdі, sondyqtan joǵary oqý orny túlekterdі jumysqa ornalastyrý boıynsha óńіrlіk kóshbasshy bolyp tabylady. Kadrlar daıarlaý máselesіnde qazaqstandyq árіptesterіmen bólіsetіnderі kóp.
«Bіz Hıýndaı zaýytyna kadrlar daıarlaýda mol tájіrıbesі bar Ońtústіk Koreıanyń Dong–Eui (Tong-Yı) ýnıversıtetіmen yntymaqtastyqqa óte qýanyshtymyz. Bіzdіń ýnıversıtet, ózderіńіz bіletіndeı, Qazaqstannyń mashına jasaý salasy, onyń іshіnde oblys aýmaǵyndaǵy zaýyttar úshіn kadrlar daıarlaý jónіndegі bazalyq JOO bolyp tabylady. Han Sý Ýon myrzaǵa alǵysymdy bіldіrgіm keledі jáne bіzdіń yntymaqtastyǵymyz jemіstі bolady, al bіrlesken zertteý jobalarymyz óndіrіske engіzіledі dep úmіttenemіn», - dedі rektor Seıtbek Qýanyshbaev.