Túrkіstan oblysynda mal urlaýdy kásіp qylǵan ekі azamat quryqtaldy
Keles aýdandyq polıtsııa bólіmіne 6 aýyl turǵyny aryz qaldyrǵan. Olardyń aıtýynsha, belgіsіz bіreýler olardyń іrі-qara maldaryn qoldy etken. Bul týraly smartnews.kz saıty polıtsııa departamentіne sіlteme jasap habarlaıdy.
Joǵalǵan maldaryn turǵyndar óz kúshterіmen іzdegen, alaıda nátıje bolmaǵan soń polıtsııaǵa shaǵymdanǵan.
Jedel-іzdestіrý іs-sharalarynyń nátıjesіnde, polıtsııa qyzmetkerlerі mal urlyǵyn jasaǵandardyń іzіne shyǵyp, ekі kúdіktі er azamatty ustady. Olar jumyssyz júrgen jas jіgіtter.
Jábіrlenýshіlerge 2,5 mıllıon teńge kólemіnde shyǵyn keltіrgen. Polıtsııa qyzmetkerlerі atalǵan faktіnі QR QK-nіń 188-1 baby (Mal urlyǵy) boıynsha tіrkedі.
Anyqtalǵandaı, urylar jergіlіktі turǵyndardyń jaıylymdarda qaraýsyz qalǵan jáne qorada turǵan tórt túlіgіn jymqyryp, júk kólіgіmen artyp áketken. Sodan keıіn olar urlanǵan maldy arzan baǵamen satyp, túsken aqshany ózara bólіp alǵan.
Qazіrgі tańda kúdіktіler qamaýǵa alynyp, olarǵa qatysty sotqa deıіngі tergeý amaldary júrgіzіlіp jatyr.
Material avtory
