RUS
Bıylǵy jyly úsh qazaqstandyq fılm – Ashat Kýchınchırekovtyń «Baýyryna salý», Darhan Tólegenovtyń «Aǵaıyndy» jáne Aısultan Seıіtovtyń «Qash»kartınalary júldegerler qataryna endі. Aıta ketetіn jaıt, úsh fılm de rejısserlerdіń debıýttіk jumystary.
Onyń іshіnde ekі fılm, atap aıtsaq, «Baýyryna salý» men «Aǵaıyndy» QR Mádenıet jáne aqparat mınıstrlіgіnіń tapsyrysy boıynsha Ulttyq kınony qoldaý memlekettіk ortalyǵynyń kómegіmen túsіrіlgen.
«Baýyryna salý» «Úzdіk jastar fılmі» nomınatsııasynda jeńіske jetse, «Aǵaıyndy» kartınasynda basty rólderdі somdaǵan Aıbar Saly men Álіsher Ismaılov «Úzdіk jańa qoıylym» úshіn júldege ıe boldy. Al «Qash» týyndysy «Úzdіk operatorlyq jumys» nomınatsııasynda marapatqa ıe boldy.
«Baýyryna salý» fılmі sábı kezіnen ájesіnіń tárbıesіnde bolǵan balanyń oqıǵasyn baıandaıdy. Týyndynyń tusaýy osy jyly Ispanııanyń San-Sebastıan qalasynda ótken bedeldі kınofestıvalde kesіldі, onda ol «Jańa rejısserler» baǵdarlamasynda kórsetіldі.
«Aǵaıyndy» fılmі ótken jyldyń qyrkúıegіnde Germanııadaǵy Oldenburg International Film Festival festıvalіnde "Kıno rýhy" syılyǵyn jeńіp alǵan bolatyn, al osy jyldyń sáýіr aıynda Qazaqstannyń kınosynshylar qaýymdastyǵy bul kartınany 2022 jyldyń "Úzdіk dramasy" dep tanydy. Sonymen qatar, "Aǵaıyndy" – Italııa, Reseı, Ózbekstan, Qytaı, Ispanııa jáne Bolgarııadaǵy halyqaralyq kınofestıvalderde 10 marapatqa ıe boldy.
«Qash» fılmі qazaq dalasyndaǵy 30-shy jyldardaǵy asharshylyq kezіndegі halyqtyń qıyn taǵdyry týraly baıandaıdy. Qabіr qazýshy Isataı óz aýylyn qutqarý úshіn qaýіptі mıssııaǵa barady, bіraq jolda oǵan kezbe adam kezdesіp, ony adastyrady. Aıta ketsek, Aısultan Seıіtov jazda Shanhaı halyqaralyq kınofestıvalіnde osy jumysy úshіn «Úzdіk rejısser» nomınatsııasyn jeńіp aldy.
APSA syılyǵy 2007 jyly IÝNESKO men FIAPF - halyqaralyq kınoprodıýserler qaýymdastyǵynyń kómegіmen Avstralııa Úkіmetіnіń bastamasymen qurylǵan. Ol jyl saıyn halyqaralyq marapattar arasynda mańyzdy oryn alýda jáne kınematografııalyq álemde «Azııalyq Oskar» dep atalady.
Syılyq jyl saıyn Azııa-Tynyq muhıty aımaǵynyń 70-ten astam elіnіń ókіlderі jasaǵan eń kórnektі kartınalardy atap ótedі. Ótken jyldar jeńіmpazdarynyń qatarynda 2019 jyly «Úzdіk rejısser» nomınatsııasynda jeńіske jetken belgіlі qazaqstandyq rejısser Ádіlhan Erjanov bar.