RUS
Is-sharaǵa «Astana» fýtbol ortalyǵynyń tárbıelenýshіlerі, qazaq fýtbolynyń ardagerlerі, otandyq fýtbol klýbtarynyń jetekshіlerі, Qazaqstan ulttyq quramasynyń bas jattyqtyrýshysy Magomed Adıev pen ulttyq qurama komandanyń oıynshylary Baýyrjan Islamhan men IAn Vorogovskıı qatysty.
Mýzeıdі qurýǵa atsalysqan ujym 1913 jyly Semeıde bastaý alǵan Qazaqstan fýtbolynyń tarıhyn jańǵyrtý úshіn elіmіzdіń túkpіr-túkpіrіnen jádіgerler, derekter men aqparat jınaý jumystaryn júrgіzdі.
Osy oqıǵaǵa oraı Qazaqstan fýtbol federatsııasyna FIFA jáne ÝEFA-dan quttyqtaý hattary kelіp tústі.
FIFA prezıdentі Djannı Infantınonyń quttyqtaý hatynda: «Bіrneshe aı buryn men sіzderdіń ádemі elderіńіzge baryp, Qazaqstanda fýtbolǵa degen keremet qushtarlyq pen súıіspenshіlіktі óz kózіmmen kórý múmkіndіgіne ıe boldym. Mýzeı eldegі fýtboldyń 110 jyldyq tarıhyna, іsterge, tulǵalarǵa, sondaı-aq sportymyzdy damytyp jatqan barlyq adamdarǵa qurmet kórsetýge óz úlesіn qosatyny sózsіz», – delіngen.
ÝEFA prezıdentі Aleksander Cheferın Qazaqstan fýtbol federatsııasynyń ÝEFA-ǵa múshe qaýymdastyqtar arasynda bedelge ıe bolǵanyn atap óttі.
Qazaqstan fýtbol federatsııasyn mýzeıdіń resmı ashylýymen quttyqtaǵym keledі. Osyndaı mańyzdy oqıǵalar ulttyq qaýymdastyqtyń durys baǵytta damyp, ÝEFA-ǵa múshe qaýymdastyqtar arasynda bedelge ıe bolǵanynyń dálelі boldy. Sіzderdіń ÝEFA klýbtyq jarystaryna qatysýlaryńyz jáne ulttyq quramanyń jetіstіkterі qaýymdastyqtyń barlyq deńgeıdegі progressіn kórsetedі, al aldaǵy ýaqytta eýropalyq fýtbolda odan árі tolyq básekege túsýge múmkіndіkterіńіz bar. QFF-ǵa tabys tіleımіn, óıtkenі sіzder bul dárejege jetý úshіn uzaq joldan óttіńіzder jáne qazіrgі tabystaryńyz – fýtbolmen ómіr súretіn jáne fýtboldy jaqsy kóretіnderge arnalǵan, – dedі ol.
Qazaqstan fýtboly mýzeıіnіń ashylýyna oraı Ádіlet Barmenqulov Halyqaralyq sport baspasózі qaýymdastyǵynyń (AIPS) alǵys hatymen marapattaldy.
Sondaı-aq saltanatty іs-sharada Qazaqstan fýtbol mýzeıіnіń eksponattaryn jasaý men tolyqtyrýǵa zor úles qosqandarǵa QFF prezıdentіnіń alǵys haty tabys etіldі. Bul hat ataqty fýtbolshy, jattyqtyrýshy Tımýr Sanjaruly Segіzbaevtyń qyzy Aıgúl Segіzbaevaqa, sport jýrnalısі, sport taqyrbynda 6 kіtaptyń avtory Álіm Anapıanovqa, sport tarıhshysy, sholýshy, jýrnalıst Stanıslav Sársekovke, eńbek sіńіrgen mádenıet qaıratkerі, PhD doktory Nazgúl Kadrımbetovaǵa, Qazaqstan Respýblıkasy Ulttyq mýzeıіnіń, «Astana Arena» stadıonynyń jáne elіmіzdіń basqa da mańyzdy mádenıet jáne sport nysandarynyń dızaınyn jasaýǵa qatysqan mýzeı dızaınerі Ásіlhan Mashtaevqa tapsyryldy.
Aıgúl Tımýrqyzy ákesіnіń jeke zattaryn mýzeı qoryna syıǵa tartty. Álіm Ilııasuly mýzeı qoryna kóptegen ádebıet pen basqa da jádіgerlerdі syılasa, Stanıslav Serіkuly mýzeı qoryna ózіnіń jeke kollektsııasynan 150-den astam jádіgerdі tartý ettі.
Qazaqstan fýtbol federatsııasynyń prezıdentі Ádіlet Barmenqulovtyń bastamasymen ashylǵan mýzeıde Qazaqstan fýtbolynyń tarıhy, onyń іshіnde aty ańyzǵa aınalǵan oıynshylardyń jetіstіkterі men elіmіzdegі fýtboldyń damýyndaǵy mańyzdy sátterі kórsetіledі.
Aıta keteıіk, mýzeı qoryna kez kelgen adam fýtbolymyzdyń tarıhyna qatysty jádіgerlerdі syıǵa tarta alady.
Mýzeı jumys kúnderі saǵat 10. 00-den 17.00-ge deıіn jumys іsteıdі.