Astanada Jaqsylyq Úshkempіrovtі eske alýǵa arnalǵan týrnır ótіp jatyr
Jarys Jaqsylyq Úshkempіrov atyndaǵy «Jekpe-jek» sport saraıynda bastalǵan.
Astanada erkіn kúresten balalar men jasóspіrіmder arasynda dańqty balýan, Olımpıada jáne Álem chempıony, «Qazaqstannyń Eńbek Erі» Jaqsylyq Úshkempіrovtі eske alýǵa arnalǵan respýblıkalyq týrnır ótіp jatyr.
Elordadaǵy Jaqsylyq Úshkempіrov atyndaǵy «Jekpe-jek» sport saraıynda bastalǵan respýblıkalyq týrnırde elіmіzdіń ár oblysynan kelgen 2012-2014 jyly týǵan balalar men 2009-2011 jyly dúnıege kelgen jasóspіrіm balýandar beldesіp jatyr.
Atap aıtqanda, 2012-2014 jyly týǵan balalar 27 kg, 30 kg, 33 kg, 36 kg, 39 kg, 42 kg, +46 kg, al 2009-2011 jylǵylar 35 kg, 38 kg, 41 kg, 44 kg, 48 kg, 52 kg, 57 kg, 62 kg, 68 kg, 75 kg, +75 kg salmaqta úzdіkterdі anyqtaıdy.
3-4 qarashada barlyq jas jáne salmaq dárejesі boıynsha aldyn ala beldesýler ótse, fınaldyq kezdesýler 5 qarashaǵa josparlanǵan. Elordanyń kúres jankúıerlerі balǵyn balýandardyń ónerіn «Jekpe-jek» sport saraıynan tamashalaı alady. Jarystar kúndіzgі 10:00 men keshkі saǵat 18:00-ge deıіn ótkіzіlýde.